Offside › Набрзинка

КФМ му одговори на Работнички: Престанете да се криете зад псевдоними, ни должите 2,5 милиони денари

17 јануари 2025

Кошаркарската Федерација упатува јавно барање до ‘Управата на КК Работнички’ да се самоидентификува и обелодени пред кошаркарската јавност која тоа го заслужува, со која ќе може да разговараме за понатамошниот тек на првенството.
И покрај финансиската помош во висина од 16.3 милиони денари, КК Работнички ден денес (17. Јануари, 2024 година) има долг во висина од 2.503.645 денари кон КФСМ. 2.084.000 од нив се само за СРЦ Кале.
Ја потсетуваме “Управата на КК Работнички“ дека во неколку наврати се согласи за ЦЕЛОСНО почитување и имплементирање на актите на Федерацијата, а не селективно како што нив им одговара во одредени периоди.

КК Работнички со остра реакција до Антиќ: До кога мисли да ја силува македонската кошарка?

извор

Винисиус вмешан во 20 расистички скандали откако дојде во Европа

18 февруари 2026

Голема врева се крена откако на дуелот Бенфика - Реал Мадрид кој заврши 0-1 со голот на Винисиус, Бразилецот пријави кај главниот судија дека бил навреден на расистичка основа од противничкиот фудбалер Џанлука Престијани.
Судијата го прекина дуелот на неколку минути а сега УЕФА соопшти дека отвора истрага во врска со целиот случај.
Винисиус е редовна мета на навивачки испади, а често поради провокативен однос е навредуван на противничките стадиони. Во Шпанија речиси и да нема стадион на кој тој не бил навредуван.
Откако во 2018-та дојде во Европа, Винисиус бил учесник во 20 расистички скандали. Во Валенсија дури се случи и преседан во обвинителството па тројца навивачи на Валенсија беа осудени на 8-месечни затворски казни и им беше одредена забрана за влез на стадиони во времетраење од 2 години, пишува Ел Графико.

извор

Сопственикот на Шахтјор Ринат Ахметов го частел 200.000 евра исфрлениот украински олимпиец

18 февруари 2026

Тркачот во скелетон, Владислав Хераскевич беше суспендиран и остранет од Зимските олимписки игри 2026 во Милано и Кортина откако се појави на патеката со кацига на која стоеа загинати спортисти во војната во Украина.
Меѓународниот олимписки комитет во неколку наврати истакна дека според правилникот Хераскевич не смее да носи таква кацига, дека во светот постојат стотици активни конфликти и дека доколку секој би сакал да испрати некаква порака и носи нешто слично, на што би личеле Зимските олимписки игри...
МОК побарал од Хераскевич да не го носи шлемот со загинатите украински спортисти, тој ги одбил, се појави на натпреварот после што беше суспендиран.
Сега сопственикот на фудбалскиот клуб Шахтјор Доњецк Ринат Ахметов го наградил младиот 21-годишен спортист со 200.000 долари. „На Влад Хераскевич му беше одземено правото да се натпреварува за победа на Олимписки Игри, но тој се врати во Украина како прав победник. Почитта и гордоста што ја заработи меѓу Украинците со својата постапка се најголема награда. Во истовреме сакам да има енергија и ресурси да ја продолжи кариерата и да се бори за вистината, за слободата и сеќавањето на оние кои ги дадоа своите животи за Украина“, напишал Ахметов во соопштение.
Сумата од 200.000 евра колку што Ахметов му ја дал е еднаква со премијата која Украинскиот олимписки комитет ја предвидува за секој златен медалист на Игрите.

извор