Offside › Набрзинка

И Партизан ќе чепне од колачот од богатиот трансфер на Душан Влаховиќ

25 јануари 2022

Најголема трансфер бомба во европскиот клупски фудбал треба да одекне во следните часови. Јувентус е спремен да направи голем трансфер и да одвои 75 милиони евра за еден од најталентираните млади напаѓачи на континентот.
Душан Влаховиќ (21 година) е дете на белградски Партизан чија младинска школа ја помина пред да дебитира за првиот тим.
Во белградскиот клуб одигра само 21 меч и постигна 1 гол пред да замине во Фиорентина за 1,9 милиони евра каде после нешто побавен почеток, блесна во полн сјај и во две сезони на 98 средби даде фантастични 44 гола (досега сезонава 20 гола и 2 асистенции на 24 натпревари).
„Партизан ќе добие три проценти од трансферот на секој свој фудбалер. Ако зборуваме конкретно за Влаховиќ, ако трансферот биде вреден 60 милиони евра, тоа значи дека нам ни следува околу 1,8 милиони евра“, изјави генералниот директор на црно-белите Милош Вазура.

извор

Вардар го освои и Охрид за 14-та победа на 14 натпревари

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

извор

Тарик Биберовиќ им „забибери“ чорба на своите, Босанците гневни

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.