Offside › Набрзинка

Хрватски навивачи во Сиднеј салутирале нацистички, ги протерале од сите стадиони

5 октомври 2022

Неколку стотини навивачи на нисколигашот Сиднеј Јунајтед 58, клуб на хрватската заедница во Австралија кој сензационално стигнал до големото финале на Купот на Австралија во кој изгубил 2:0 од Макартур, имале нацистички испади и пееле „За дом спремни“, познат усташки поздрав од времето на Втора светска војна.
Гардијан пишува дека еден навивач кој со другите кревал десница во вис како нацистички поздрав е протеран од сите австралиски стадиони, а во тек е идентификација на останатите поединци кои ги чека иста казна.
„Она што требаше да биде прослава на фудбалската игра го расипа група од неколку луѓе кои не ги претставуваат вредностите на нашата фудбалска заедница“, рекол директорот на Австралискиот сојуз Џејмс Џонсон.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.