- Наполи освои шампионска титула после повеќе од 30 години чекање. Но веднаш сезоната после тоа наместо уште поголем чекор, Наполитанците одиграа катастрофално и со очајни резултати не се пласираа ниту во еврокуп за следната сезона. Луташе Де Лаурентис со погрешен избор на тренери а овојпат ја исправи грешката па реши од почеток да ја фати со време работата.
- Антонио Конте (54) е нов тренер на Наполи. Клубот од стадионот „Диего Армандо Марадона“ ќе може да се фокусира само на домашните првенство и Куп на Италија, без преголем напор во Европа.
- Конте има три шампионски титули со Јувентус, една со Интер, една со Челси и важи за еден од потрофејните и подобри тренери на денешницата. Ќе биде интересно да се види каков тим ќе скоцка.
- Манчестер Јунајтед на крајот одигра сјајна завршница на сезоната во Премиер лига и заслужено заврши трет па ќе се врати конечно во Лига на шампиони каде му е место.
- Најтрофејниот англиски клуб конечно живна по смената на Рубен Аморим, заигра како треба со Мајкл Карик кој дојде како привремено решение односно в.д. тренер и забележа бројни победи.
- Сега летово ќе го освежуваат составот кој ќе треба да игра следната сезона на дури 4 фронта. Прво засилување ќе биде Бразилецот од среден ред на Аталанта Едерсон, соопштува Микеле Кришитело на Х.
- Манчестер Јунајтед за него плаќа повеќе од 50 милиони евра, односно според договорот 48 милиони евра и 5 милиони евра низ бонуси. Едерсон не е повикан од Карло Анчелоти за Бразил за Светското првенство.
- Едерсон во Италија дојде во јануари 2022 кога Валтер Сабатини го донесе во Салернитана од бразилски Коринтијанс за 6,5 милиони евра. Со 15 настапи, 2 гола и 1 асистенција ја заврши сезоната. Во Аталанта дојде во летото 2022-ра и од тогаш запиша 153 настапи во Серија А со 15 гола и 6 асистенции. Играше и во Лига на шампиони (2 гола и 1 асистенција) и во Лига Европа (1 гол). Освои Лига Европа минатата сезона со Аталанта.
- Големиот Пеп Гвардиола по се изгледа на крајот на сезонава ќе замине од Манчестер Сити после богати 10 години во кои на клубот му донесе дури 21 пехар од кои највреден е оној од Лига на шампиони.
- Кога (и ако) Гвардиола замине од Сити, тој зад себе ќе остави неверојатно наследство. Неговите тактички генијалности направија бранови од Премиер лига преку аматерските лиги па се до маалскиот фудбал.
- БиБиСи спорт денес пишува за фантастичните тактички изуми на Пеп, од висок пресинг човеч на човек уште од гол-аут, до ризик да се гради игра од голман.
