Offside › Набрзинка

Големиот Гаљардо го напушта Ривер

14 октомври 2022

На прес конференција најдобриот тренер во Аргентина и човек кој на времето беше прав магионичар со топка, објави дека во декември кога му завршува договорот и дефинитивно заминува од саканиот Ривер Плејт.
Марсело Гаљардо беше осум ипол години тренер на тимот од Буенос Аирес. Ја водеше екипата на 422 меча до сега и освои два големи трофеи во Копа Либертадорес, еден во Копа Судамерикана, три Купа на Аргентина, шампионска титула и два Супер Купа на Аргентина со што влезе во историјата на овој клуб како еден од најтрофејните тренери.
„Ова е една од најтешките одлуки во мојот живот. Им благодарам на сите, од играчи, директори, управа, навивачи и на сите кои беа со мене. Ова е крај на еден циклус. Од декември веќе нема да бидам во клубот“.
Гаљардо наводно се спрема за Европа каде го чекаат бројни претседатели на клубови.

22 јули 2026

ФИФА може да добие нов претседател доколку успее мисијата на Доналд Трамп, кој го мести Џани Инфантино да стане генерален секретар на Обединетите нации.
Американскиот лидер во швајцарскиот функционер гледа идеален наследник на Антонио Гутереш. Иако во трката за оваа позиција веќе има седум официјални кандидати, Трамп е самоуверен дека преку Советот за безбедност и Генералното собрание на ОН може лесно да ја излобира оваа функција за својот сојузник.
„Во Организацијата на обединетите нации треба да се координираат 193 држави, додека под капата на ФИФА има над 200 земји членки. Резултатите на Инфантино јасно покажуваат дека тој поседува врвни раководни способности за ваква глобална улога“, изјави советникот на Трамп, Паоло Замполи.

22 јули 2026

Најдобрата македонска тенисерка ќе има нова шанса за настап на Гренд слем турнир, откако се најде на листата на пријавени учеснички во квалификациите за отвореното првенство во Њујорк.
Организаторите ноќеска ги објавија листите, а сите тенисерки рангирани од 103-тото место надолу ќе настапат во квалификациите, освен оние што ќе добијат специјална покана.
Ѓорческа, која е 214-та на ВТА, минатиот месец испиша историја за македонскиот тенис, откако успеа да мине три квалификациски кола и да се најде на главниот турнир на Вимблдон.