- Под водство на италијанскиот тренер Винченцо Монтела, Турција ја помина групата на Еуро2024 со две победи, против Грузија (3-1) и против Чешка (2-1). Изгубија само од Португалија (3-0).
- Од германската федерација за заштита на околината и природата реагирале на тоа што Турција решила од својата база во Хановер до Хамбург каде играа против Чешка репрезентацијата да патува со авион. Растојанието меѓу овие два града е само 132 километри. „Апсолутно бесмислено и непотребно“, вели Вернер Рех од германската федерација за заштита на животната средина и природа.
- Рене Шварц од граѓанската иницијатива за намалување на загадувањето на воздухот во Хамбург рекол: „Апсолутно неприфатливо. Во Хамбург до стадионот не смее да се вози ниту со електрични автомобили, па навивачите користат јавен превоз, а репрезентациајта на Турција онака кратка релација оди со авион“.
- Турците сега во вторник ги чека осминафинале од 21 часот против Австрија во Лајпциг.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
