- По сè погласниот револт на играчите и селекторите дека календарот е пренатрупан и дека треба да се дозволи поголем состав, ФИФА одговори позитивно.
- Репрезентациите на Светското 2022 во Катар ќе имаат 26 фудбалери (3 повеќе од претходниот Мундијал 2018 кој се играше во Русија).
- Ова значи дека сега со 15 дозволени резервни играчи селекторите нема веќе да мораат да праќаат одвишок фудбалери на трибини.
- Некогашниот македонски репрезентативец и фудбалер на повеќе клубови, Дени Масев кој до скоро беше спортски директор на репрезентацијата е осуден на четири години затворска казна во случајот за дрога каде прв осомничен е Раде Трајковски - Штекли.
- Масев синоќа со уште тројца од криминалната група на Штекли бил изнесен на суд, ја признал вината и изречена му е пресуда од 4 години затвор.
- Некогашниот одбранбен фудбалер бил член на организираната група во која секој имал прецизна улога, од набавка до продажба на кокаин и марихуана. Дрогата се чувала во изнајмени станови а се продавала од 4.500 до 5.000 денари за грам кокаин и од 200 до 300 денари за грам марихуана.
- Масев до скоро работеше во ФФМ од каде му врачија моментален отказ. Роден е во Струмица во 1983-та. Играше за Беласица, Рад, Вардар, Металург Запорожје, Работнички, Хоризонт Турново, Анагениси Кардица.
- Најдобриот светски фудбалер за 1995-та и легенда на Милан, Жорж Веа во 2000-та на залез на својата кариера потпиша договор со Олимпик Марсеј. Сега 25 години подоцна потпис на договор со славниот француски клуб стави и син му Тимоти Веа кој настапува за САД.
- Интересно францускиот магазин Onze тогаш го ставил Жорж Веа на насловна страна, а сега и син му, во ист дрес, со иста гестикулација.
