- Англиската ФА го казни парично клубот од Ливерпул со 300.000 фунти затоа што на мечот од претпоследното коло од минатата сезона против Кристал Палас (19 мај) илјадници навивачи влегоа на терен по неверојатниот пресврт од 0:2 на 3:2 и триумф со кој обезбедија опстанок во елитната Премиер лига.
- Тогаш навивачи упаднаа во терен за да го прослават победничкиот гол на Доминик Калверт-Луин во 85’ минута и по последниот судиски свиреж за крај кога илјадници втрчаа на теренот да слават. Евертон соопшти дека ја признава кривицата за пропуст и дека нема да поднесе жалба.
- Биографската книга „Фудбал под сенка“, посветена на легендарниот македонски фудбалер Васил Рингов, во авторство на новинарот Срѓан Ивановиќ, ќе биде промовирана на 17 април (петок), во книжарницата „Литература.мк“ во „Дајмонд мол“, со почеток во 20 часот.
- Книгата излегува постхумно, неколку месеци по смртта на Рингов, кој активно беше вклучен во нејзиното создавање. Денот на промоцијата, пак, се поклопува со датумот на неговото раѓање.
- „Фудбал под сенка“ на искрен и непосреден начин ја раскажува животната и спортската приказна на Рингов – еден од најзначајните фудбалери во македонската и југословенската историја, чие име е тесно поврзано со успесите на ФК Вардар. Книгата нуди увид не само во неговата богата кариера, туку и во личните предизвици, размислувањата и вредностите што го формирале како спортист и како човек.
- Двајцата синови на Дејан Станковиќ кој беше легенда на Црвена звезда, Лацио и Интер, Александар и Филип наскоро би можеле да се вратат на „Џузепе Меаца“ каде што ги почнаа фудбалските кариери.
- Александар (20) напредуваше неверојатно многу и откако преку Луцерн замина во Клуб Бриж за 9,5 милиони евра, стана главен играч на трофејниот белгиски клуб. Станковиќ беше најдобар играч на екипата во Лига на шампиони, а после 30 кола Клуб Бриж е втор со три бода зад лидерот во Белгија и се бори за шампионска титула благодарение на одличните партии на српскиот репрезентативец.
- Интер, поточно Марота инсистирал во клаузулата при потпис на договорот со Клуб Бриж да се вметне и клаузула според која Александар Станковиќ за 25 милиони евра би можел да се врати во Интер. Оваа клаузула најверојатно ќе биде активирана во јуни кога младиот фудбалер од среден ред ќе се врати во Интер.
- Таму би требало да се врати и брат му Филип кој е голман и кој бранеше на позајмица во неколку клубови а сега е во Венеција.
