- Во борба за титула во нисколигашкиот фудбал во Африка, екипите Матијаси и Шивулани стигнаа до нејсвоствено високи победи како за фудбалски натпревар.
- Шивулани го совлада Котоко Хепи Бојс со 33:1, а за Матијаси да има подобра гол разликата славела против Нсами Мајти Брдс со 59:1 од кои гостите си постигнале 41 гол.
- Суспензиите за официјалните лица на клубовите изнесуваат до 10 години забрана, а клубот со рекордниот број на автоголови повеќе нема да постои.
- „Кога истражувавме, откривме дека некои од головите на Матијаси не беа ни правилно регистрирани бидејќи судијата не можеше да го протолкува неговиот извештај. Откривме дека само пишуваше - 'играчот број 2 постигна 10 гола, играчот број 5 постигна 20 гола', но имаше 41 автогол, па како ги запишаа тие? вели Рамфаго, кој и претседател на комитетот за натпревари во регионот.
- Во 2013-та во Нигерија, две екипи кои се бореле за пласман во повисок ранг, добиле по 10 годишни суспензии, откако забележале победи од 79:0 и 67:0.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
