Offside › Набрзинка

Дијана Ѓоковиќ: Ова е победа за Новак поголема од сите гренд слем титули

10 јануари 2022

Фамилијата на Ѓоковиќ одржа прес конференција по повод деликатната ситуација во која се наоѓа најдобриот тенисер во светот.
„Новак е слободен. Само што тренираше. Тој отиде да освои уште еден Австралија опен“, изјави брат му Ѓорѓе.

Срѓан Ѓоковиќ:

„Мислам дека оваа игра со неговото појавување го достигна врвот и дека треба да измислат нова додека тој сè уште може да игра и да биде најдобар на светот. Игра која трае веќе шест дена и која е неверојатно тешка за него и неговото семејство. Го пречекаа на аеродром каде немаше никакви права, му ги одзедоа сите права како човек. Се обидоа да го натераат да потпише дека се откажува од визата за да можат да го депортираат назад. Тој не сакаше да го потпише тој документ бидејќи немаше причина за тоа.

Не му дадоа контакт со адвокати, тој беше сам неколку часа. Дури и телефонот му го одземаа. За среќа, по неколку часа му го вратија и тој стапи во контакт со неговиот адвокатски тим. Тие му подготвија фантастична одбрана од која не можеа да се одбранат дури и оние што сакаа да го депортираат“.

Дијана Ѓоковиќ:

„Момче кое го научи семејството да не толерира лаги, измами и секогаш се бореше за правда. Тој не е виновен, не направи ништо што се крши со законот и повторно претрпе тортура. Допрва ќе слушнеме што преживеал и секако се исправи против системот и владата, затоа што мислеше дека има полноправно право да остане таму со виза која ја доби и да го освои тој турнир. Никогаш не сме се соочиле со ваква ситуација. За нас оваа ситуација е тешка, се обидовме да се бориме за него за некако да се слушне тој глас низ светот. Емоциите што ги доживеавме беа различни, тага, очај, разочарување“.

Ѓорѓе Ѓоковиќ:

„Синоќа го следевме целиот процес и беше долга ноќ во Европа, од полноќ до седум наутро. Јас лично уживав, затоа што му се восхитував на судијата Кели додека го водеше целиот процес, беше многу детален, темелен и неутрален. Му благодарам за тоа и за тоа што на светот му ја покажа правната вистина“.

извор

И Новак Ѓоковиќ во Зеница, ќе ја бодри БиХ против Италија

31 март 2026

Најдобриот светски тенисер на сите времиња според многумина, Новак Ѓоковиќ во објава на Инстаграм му честиташе победа против Велс на неговиот добар пријател Един Џеко со натпис: „Браво Едине, браво БиХ!“, а сега допатувал во Босна и Херцеговина за да го следи дуелот БиХ - Италија.
Овие две селекции вечерва од 20:45 ќе играат на стадионот „Билино Поље“ во Зеница за пласман на Светско првенство 2026.
Ѓоковиќ го искористил патот во БиХ и по седми пат да отиде кај фамозните „Босански пирамиди“ каде домаќин повторно му беше Семир Османагиќ.

извор

Почина Борислав Михајлов, дел од генерацијата на Стоичков и Бугарија од Светското 1994-та

31 март 2026

Легендарниот голман и капитен на репрезентацијата на Бугарија и долгогодишен претседател на Бугарскиот фудбалски сојуз, Борислав Михаилов починал утрово во Софија. Тој почина на 63 години после долго боледување.
Михаилов од минатата година беше во вештачка кома и не успеа да преживее и покрај големите напори од лекарите и најблиското семејство, пишува бугарски ДСпорт.бг.
Борислав имаше 102 натпревари за репрезентацијата и важи за најдобриот голман во историјата на Бугарија. Неговиот син Николај Михаилов исто така беше голман и капитен на бугарската репрезентација а токму тој ја соопштил тажната вест за татко му.
Михаилов бранеше за Бугарија на Мундијалот 1986 во Мексико каде запиша 4 настапи и на кулното Светско првенство 1994 во САД каде Бугарите направија чудо, стигнаа до полуфинале а Борислав претходно во четвртфиналето против Мексико ги спаси со две бравурозни одбрани. Бранеше и за Левски, Белененшеш, Мулуз, Ботев, Рединг, Славија и Цирих.
Од 2000-та беше член на Извршниот одбор на Бугарскиот фудбалски сојуз а од 2005-та го избраа за претседател, функција која ја вршеше цели 18 години пред да ја напушти функцијаа поради болест.

извор