- Холандскиот гигант минува низ сериозна резултатска, играчка и управувачка криза. По аферата со спортскиот директор Марк Овермарс кого вработени жени во клубот го обвинија дека ги напаствувал па доби отказ, во Ајакс продолжија проблеми.
- Клубот во изминатиот период ги продаде најдобрите фудбалери, носители на играта, не доведе адекватни замени иако потроши 105 милиони на трансфер, а капак на сè беше мизерното водење на екипата од тренерот Алфред Шројдер.
- Ајакс синоќа одигра само 1-1 со Волендам во холандската лига и тоа беше седми меч без победа на „копјаниците“ што не се памети уште од далечната 1965-та година.
- Шројдер добил отказ веднаш после мечот. На прес се појавил директорот Едвин ван дер Сар. „За никој во клубот веќе не е прифатливо тој да остане на таа позиција. Вака веќе не може“.
- Кошаркарите и стручниот штаб на најтрофејниот спортски колектив во земјава КК Работнички конечно отворија душа и преку заеднички потпишано соопштение на јавноста и кажаа како стојат работите во паднатиот гигант кој од година во година крпи крај со крај.
- „Тимот функционира во недостоинствени услови, без основна опрема, без елементарна логистика и со постојана неизвесност околу најосновните организациски прашања. На патувања сме оставени сами на себе, без сигурен превоз, па често навивачите ги покриваат овие трошоци. Ова е срам за клуб со ваква историја и реноме.
- Дополнителен врв на непочитување е фактот што ниту играчите, ниту стручниот штаб не беа поканети на официјалното отворање на реновираната сала — нашата „куќа“. Овој чин јасно покажува колку малку се ценат луѓето кои секојдневно се борат за грбот и угледот на клубот.
- Јавно констатираме дека ветувањата дадени од градоначалникот не се исполнети, всушност, слободно можеме да кажеме дека тој неколку пати не излажа, а спортскиот директор со недели не одговара на телефонските повици и пораките, со што практично ја прекина секоја форма на комуникација со тимот. Ваквиот однос го сметаме за неодговорен и недозволив“.
- По обелоденувањето на документите од истрагата за сомнителни натпревари во Првата македонска фудбалска лига, целиот случај добива поширока димензија и свој заплет.
- Освен сопственикот на Башкими, Бурак Хида, во фокусот на јавноста се најде и претседателот на Шкендија, Љуљзим Имери, поради тоа што натпреварот меѓу двата клуба е дел од предметот што се разгледува од страна на највисокото фудбалско тело во Европа.
- Документите упатуваат на одредени релации и финансиски активности поврзани со лица од странство, кои се доведуваат во контекст со обложувања во периодот кога се одиграле спорните средби.
- Во вакви околности, штетата не е само правна или спортска. Потенцијалните последици можат да бидат и финансиски и репутациски, особено за Шкендија. Секое доведување на клубот во контекст на истрага за интегритет на натпреварување може директно да се одрази врз неговиот бренд и врз односот со главниот спонзор, Еколог.
