Offside › Набрзинка

6 можни противници на Барселона во Лига Европа

10 декември 2021

Барселона не само што првпат после 21 година не помина групна фаза во Лига на шампиони и ќе игра Лига Европа, туку во второто по ранг натпреварување на континентот ќе треба да игра во новиот таканаречен плејоф (1/16 финале) со два натпревари (дома гости) за да влезе во осминафинале.
Во 1/8 финале на Лига Европа директно одат победниците на групите во овој турнир: Олимпик Лион, Монако, Спартак Москва, Ајнтрахт Франкфурт, Галатасарај, Црвена Звезда, Баер Леверкузен и Вест Хем.
Барселона, петкратниот европски шампион ќе игра против еден од следните тимови во 1/16 финале на Лига Европа: Ренџерс, Наполи, Олимпијакос, Лацио, Брага или Динамо Загреб.
Екипата предводена од Чави барем во оваа фаза не може да игра против Реал Сосиедад и Реал Бетис зошто се од иста земја, иако и овие два клуба завршија второпласирани во своите групи од Лига Европа.
Ждрепката за нокаут фаза во Лига на шампиони, Лига Европа и Лига Конференции е во понеделник со почеток од 12 часот па натаму.
Првиот меч Барселона ќе го игра на Камп Ноу на 17 февруари, а недела дена подоцна, на 24 февруари ќе гостуваат во реваншот, така што ни тука не се привилегирани.
Во Лига Европа покрај Барселона од Лига на шампиони доаѓаат и екипите кои завршија исто третопласирани: РБ Лајпциг, Порто, Борусија Дортмунд, Шериф Тираспол, Аталанта и Зенит.
На 25 февруари има ждрепка за осминафиналните парови. Финалето на Лига Европа се игра во Севиља на 18 мај 2022 година.

извор

Барселона го претстави првото скапо летно засилување

30 мај 2026

Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
Напаѓачот доаѓа како замена за Рашфорд и Левандовски кои заминуваат од Барселона.
Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.

извор

Со овации испратен во пензија највозрасниот ракометар во Македонија

28 мај 2026

45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
Искусниот голман го одигра последниот натпревар во својата неверојатно долга кариера која ја започнал во 1997-ма година.
Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.

извор