- На 23 септември група од 23 лица од разни региони на Русија почнала со искачување на Елбрус. На првата етапа неколку луѓе се откажале од понатамошно искачување и тргнале назад. Останале 19 лица кои и покрај тешките временски услови продолжиле нагоре. Пет руски алпинисти загинале при обид да го искачат Елбрус (5.645 м/нмв) во Кавкас. Останатите алпинисти од експедицијата биле спасени на висина од околу 5.400 метри.
- Брзината на ветрот достигнувала од 40 до 70 метри во секунда, а температурата -20 степени.
- Алпинстите настрадале по тешки измрзнувања, а некои од нив биле со фрактури.
- Според руски ТАСС, се работи за група алпинисти која се обратила за помош кога времето се влошило нагло. Агенцијата „Интерфакс“ соопшти дека поголем дел од алпинистите биле неискусни и сите учесници се на возраст над 30 години. Алпинистите пристигнале од 11 различни региони на Русија со цел да го искачат Елбрус.
- „Во 14 часот почна силен ветер и бура, па групата се нашла во услови на слаба видливост и температура пониска од минус 20 степени. Во еден момент групата се разделила. За време на искачувањето пет лица загинале од замрзнување. Останатите алпинисти биле евакирани од спасувачките служби кои им пружиле медицинска помош“, соопштуваат од СК РФ.
- Миленикот на скопските Комити, Црногорецот Вуко Борозан пред неколку недели по втор пат го напушти Вардар 1961. Се очекуваше да најде ангажман во странство, се споменуваа и арапските земји или клуб од Западна Европа, но на крајот Борозан реши да остане таму каде што му е најубаво, во Македонија.
- Негов нов клуб ќе биде РК Охрид кој ги продолжува неверојатните ангажмани на трансфер пазарот со цел да ги исполни амбициите да се бори за шампионските трофеи во догледно време.
- Борозан беше дел од големите успеси на Вардар на домашна и меѓународна сцена и прашање е како навивачите ќе реагираат на овој чекор.
- Боксерот Ален Рустемовски и бодибилдерката Катерина Попева ги добија највисоките признанија на традиционалната манифестација „Спортист на годината 2025“, која се одржа во организација на Министерството за спорт и Сојузот на спортски федерации на Македонија.
- Рустемовски до признанието „Спортист на годината“ стигна по освојувањето на сребрен медал и вицешампионската титула на ЕП У23 во Ереван. Во изборот, тој беше подобар од номинираните Енис Барди, Стефан Михајловски, Андреас Трајковски и Владимир Егоров.
- Во женска конкуренција, титулата најдобра спортистка ѝ припадна на Попева, која лани стана шампионка на Светското првенство во фитнес и бодибилдинг во Санта Сусана (Шпанија). За признанието беа номинирани и Ангела Мојсовска, Александра Марковска, Катерина Ацевска и Сашка Колеска.
- Министерството за спорт традиционално ги додели и стипендиите „Спортска надеж“ на 500 талентирани млади спортисти, македонски репрезентативци. Свеченото доделување на стипендиите се одржа во МОБ, во склоп на манифестацијата „Спортист на годината 2025“.
