- За време на глобалната пандемија, многу клубови сфатија како е да се игра без публика. Ем што немаа приходи од влезници, ем што немаа поддршка, ем што фудбалот се игра за публика а не за празни трибини.
- Многу навивачи ширум островот средствата предвидени за сезонски карти тогаш ги пренамениле за хуманитарни акции.
- Но тоа многу многу не ги тангира клубовите кои сега кога веќе нема пандемија ни карантини, решија да ги поскапат и онака прескапите сезонски карти. Дури пет клуба ја пробиле бариерата од 1.000 фунти за сезонска карта, а просечната цена изнесува 946,60 фунти. Најевтината во просек е 547 фунти.
- Карло Анчелоти, творецот на многу шампионски успеси на Реал Мадрид, се наоѓа под голем притисок и најверојатно ќе замине од клубот уште на крајот од мај и почетокот на јуни, пренесува Скај Спорт. Анчелоти би можел да биде и нов селектор на Бразил кој долги години го сонува Италијанецот на клупата.
- Реал Мадрид испадна во четвртфинале на Лига на шампиони по два порази од Арсенал (3-0 и 1-2). Во Ла Лига заостанува бодовно зад најголемиот ривал Барселона против која игра и во финале на шпанскито кралски Куп на 26-ти април.
- Барселона и Реал Мадрид ќе играат „ел класико“ и на 11-ти мај во Барселона кога може да се реши прашањето на шампионот.
- Годинава повторно се поклопуваат датумите за прослава на најголемиот христијански празник, па така на 20-ти април Велигден ќе го слават и католиците и правослвните Христијани.
- Раководството на италијанската Серија А реши да ја прекине традицијата која траеше 47 години, на Велигденски празници да нема никаков фудбал.
- Последен пат за Велигден фудбал се играл во Серија А во далечната 1978-ма година, на 26-ти март кога на терен истрчале сите 20 екипи од италијанската лига.
- Изминативе години имало два исклучоци, Перуџа - Интер (11 април 2004-та) и Реџина - Удинезе (12-ти април 2009) се играле на најголемиот празник и предизвикале големи полемики во италијанското друштво и пред се католичката црква.
- Викендов ќе се играат и шпанска Ла Лига, германска Бундеслига, англиска Премиер лига, хрватска ХНЛ и други првенства кои не планираат да сопрат ниту за најголемиот верски празник.
