Иако извесно време Димитријевиќ беше поврзуван со белградски Партизан, тој никогаш не доби понуда од црно-белите а во меѓувреме го продолжи богатиот договор со УНИКС Казан со кого ќе игра во полуфинале на ВТБ лигата.
Димитријевиќ доби МВП награда и за најдобар играч во регуларниот дел од сезоната зошто во просек имаше по 19 поени со 6,6 асистенции и 3,6 скока.
Познатиот новинар Христос Харпидис ги пренел натписите на порталот Ла Република Болоња кој пишува дека Олимпија Милано и Виртус Болоња имаат голема желба да го ангажираат македонскиот репрезентативец.
Притоа прв чекор веќе направил и турскиот гигант Фенербахче кој наводно веќе и пратил понуда на адреса на УНИКС.
Се уште нема никаква официјална потврда, но факт е дека Скопјанецот ја надрасна ВТБ лигата и дека е сигурно спремен за најголеми предизвици во силната Евролига.
