Шокантен пораз на Јокиќ и Србија од Финска

Светскиот вицешампион и бронза од Олимписките игри, репрезентацијата на Србија уште во рана фаза, во осминафинале го заврши Европското првенство откако изгуби неочекувано од Финска 92-86. Освен Никола Јокиќ кој играше одлично во текот на целото Европско и синоќа постигна 33 поени со 8 скока и 3 асистенции, сите останати беа далеку под своето ниво. На другата страна Лаури Марканен од Јута Џез блесна со 29 поени и 8 асистенции, Микаел Јантунен постигна 15 поени, а по 13 имаа Миро Литл и Елиас Валтонен.

Од останатите осминафинални двојки: Турција ја совлада Шведска 85 - 79, Германија беше убедлива против Португалија 85-58, Литванија ја доби Летонија 88-79. Денес се играат преостанатите двојки, Полска против БиХ, Франција против Грузија, Италија против Словенија и Грција со Израел.