Оклахома Сити Тандер предводена од МВП-то на основниот дел Шеј Гилџес-Александер со 34 поени, 8 асистенции, 5 скока и 4 украдени топки ја совлада Индијана на свој паркет и израмни на 1-1 во серијата.
Интересно ова беше прва победа во големо финале за Оклахома после серијата со Мајами во 2012-та.
ШГА имаше голема помош и од Алекс Карузо кој даде 20 поени, од Џејлен Вилијамс кој уфрли 19 поени, пет скока и пет асистенции и Арон Вигинс кој додаде 18 поени. Чет Холмгрен имаше 15 поени и 6 скока.
Кај Индијана Пејсерс Тајрис Халибуртон стигна до 17 поени и шест асистенции, Мајлс Тарнер имаше 16 поени, четири скока и четири асистенции а Паскал Сијакам 15 ппоени, седум скока и четири асистенции.
Серијата сега се сели во Индијанаполис, третиот натпревар ќе се игра во ноќта меѓу среда и четврток. Тоа ќе биде прв дуел од НБА финале во Индијанаполис после цели 25 години!
