Од 17-ти во Европа до титула против кралот во Евролигата

Панатинаикос е нов шампион на Евролигата откако во финалето во Берлин го совлада фаворитот Реал Мадрид со 95:80, инаку владетел во најсилната кошаркарска лига во Европа со 11 трофеи и вкупно 22 одиграни финалиња.

Грчкиот кошаркарски гигант го направи најголемиот подвиг во Евролигата и после освојувањето на 17-та позиција минатата сезона, успеа да стигне до европската титула.

Панатинаикос е нa тронот по пауза од 13 години и има најдобар процент на освоени финалиња и тоа 7 од вкупно 8. Повеќе од нив имаат само ЦСКА Москва со 8 и Реал Мадрид како предводник со 11 титули.

Ова е всушност нивна прва титула по ерата на Жељко Обрадовиќ кој си замина од клубот во 2013 година со пет европски титули.

Славниот грчки репрезентативец Костас Слукас заслужено е прогласен за МВП откако средбата ја заврши како најефикасен со 24 поени.

Плејмејкерот на Панатинаикос првпат го добива ова признание и им се придружи на своите сонародници Теодорос Папалукас, Димитрис Дијамантидис и Василис Спанулис.

27 мај 2024 - 09:02

Штета ако сте пропуштиле

Изгледа блесаво, ама делува

Отворено писмо до говнарите

Кабриолет и здрави синуси

И утре да се оправиме, уште долго ќе бидеме пореметени