Лука Дончиќ беше најефикасен во победата на ЛА Лејкерс со 34 поени, 7 скока и 7 асистенции. Гостите од Лос Анџелес постојано беа во водство од стартот на вториот период но Индијана се враќаше резултатски и на крајот дури имаше и шут за победа но не го искористи Бенедикт Матурин. На другата страна Леброн Џејмс погоди со звукот на сирената за триумф:
LEBRON JAMES WINS IT AT THE BUZZER 🚨 pic.twitter.com/AZ2xR9zQYA
— ESPN (@espn) March 27, 2025
Покрај Дончиќ, ефикасен беше и Остин Ривс со 24 поени, пет асистенции и четири скока. Леброн имаше прилично блед натпревар со очаен шут од игра (4/12) но погоди кога беше најважно, на крај за победа. Мечот го заврши со 13 поени, 13 скока и 7 асистенции.
Токму Бенедикт Матурин кој го промаши последниот шут на мечот за Индијана Пејсерс, беше најефикасен во својот тим со 23 поени и 5 скока. Тајрис Халибуртон додаде 16 поени со дури 18 асистенции а по 16 поени имаа уште и Ендру Небхарт и Мајлс Тарнер (запиша и 12 скока). Ветеранот Паскал Сијакам стигна до 15 поени.
luka’s celebration after lebron tips it in, lebron helping luka up and everyone excited after a much needed win... this means something to me 🥹🥹pic.twitter.com/Om5r0w7p08
— m⁷⁷ (@miss77ela) March 27, 2025
