Србинот имаше 22 поени, 14 скока и 14 асистенции за нов трипл-дабл.
Јокиќ игра во страшна форма и е апсолутен лидер на Денвер Нагетс во сите статистички параметри и чудно е како според американските медиуми Шеј Гилџес-Александар е главен фаворит за МВП наградата. Џамал Мареј даде 22 поени во триумфот.
192nd career triple-double for Jokić 🃏
— NBA (@NBA) March 22, 2026
🏀 22 PTS
🏀 14 REB
🏀 14 AST
🏀 2 STL@nuggets win at home! pic.twitter.com/sgNquCEVQj
Покрај Никола Јокиќ и Џамал Мареј, одлична вечер во триумфот на Денвер Нагетс имаа уште и Камерон Џонсон со 19 поени и сјајниот Пејтон Вотсон кој на првото враќање после незгодната повреда и отсуството од 4-ти февруари, даде 14 поени за помалку од 20 минути на паркетот. Арон Гордон запиша 15 поени за Нагетс.
Кај Портланд Трејлблејзерс Дени Авдија уфрли 23 поени а Донован Клинган даде 18.
Со овој 44-ти сезонски триумф, Денвер Нагетс е на 5-то место на Западот зад лидерот Оклахома Сити Тандер, Сан Антонио Спарс, ЛА Лејкерс и Хјустон Рокетс.
