Фенербахче по втор пат во својата историја е шампион на Евролига. Најефикасни во редовите на турскиот гигант беа Најџел Хејс-Дејвис со 23 поени и 9 скока, Марко Гудуриќ со 19 поени, 5 скока и 2 украдени топки и Девон Хол и Вејд Болдвин со по 13 поени.
Кај Монако прв стрелец беше Алфа Дијало со 19 поени а 17 даде Мајк Џејмс, Стразел 13 поени а Даниел Тајс 12 поени.
MARKO GUDURIC 😤@FBBasketbol | #F4GLORY pic.twitter.com/q4y9K32gMg
— Turkish Airlines EuroLeague (@EuroLeague) May 25, 2025
For the second time EVER... @FBBasketbol are EuroLeague Champions 🏆#F4GLORY pic.twitter.com/B83xnz1S3t
— Turkish Airlines EuroLeague (@EuroLeague) May 25, 2025
По 2017-та кога со Жељко Обрадовиќ, Перо Антиќ и Богдан Богдановиќ се качија на врвот на Европа, сега турскиот состав повторно е најдобар во елитната Евролига.
Како и сите екипи, така и Фенербахче сезонава имаше големи подеми но и падови, но кога беше најважно во финишот на сезоната фатија одличен ритам и сосема заслужено се европски шампиони.
Тренерот Шарунас Јасикевичиус точно знаеше како да ги искористи сите играчи, прво во тешкото полуфинале против Панатинаикос ротираше дури 11 кошаркари кои ја поделија минутажата а 10 од нив постигнаа поени, а сега во финалето на паркет ротираше 11 кошаркари од кои 8 дадоа поени.
За разлика од нив клупата на Монако потфрли и тука треба да се бара причината за поразот на тимот од кнежевството.
