Партизан ја завршува сезоната со 18 порази и е надвор од местата кои водат во разигрувањето. Синоќа во белградска „Арена“ високиот центар Валтер Таварес постигна кош во последни секунди од мечот за победа 89:91.
Претходно Серхио Љуљ го израмни резултатот и му овозможи на својот тим да решава во последниот напад.
Реал Мадрид со овој триумф стигна до 20 победи во сезоната и е на 5-то место на табела па речиси сигурно ќе игра во плејофот.
Најефикасни кај победникот од Мадрид беа Џанан Муса со 15 поени, а јунакот на победата Валтер Еди Таварес и Марио Хезоња додадоа по 12 поени. Кај домаќинот кој сезонава претрпе дури 8 порази на домашен паркет, Карлик Џонс беше прв стрелец со 15 поени, Бонга даде 14 а Покушевски 12.
Walter Tavares for the Win!
— Matteo Andreani (@matty_vanpersie) April 10, 2025
Real Madrid wins against Partizan Belgrade in a huge comeback from -10 in Last Quarter. pic.twitter.com/EzPYpcF9H3
