22 поени за личен рекорд на Перо Антиќ во НБА

И покрај тоа што Атланта Хокс загуби од Оклахома 123:115, најдобар натпревар од кога е во НБА одигра нашиот Перо Антиќ. За 20 минути на паркетот, Антиќ уфрли 22 поени (6/9 од игра и 6/7 од слободни). Антиќ погоди 4 тројки од 6 обиди, а притоа имаше и 3 скока и една асистенција.

 

Претходниот рекорд на Антиќ во најдобрата светска лига беше 17 поени. Синоќа против Оклахома Антиќ беше најефикасен, а поддршка имаше од Германецот Денис Шродер кој уфрли 21 поен и од Пол Милсап со 19 поени.

 

Сите поени и фантастичната партија на Перо Антиќ против Оклахома:
 

 

Хајлајтс од мечот:
 

Од друга страна, тимот на Оклахома остана без Кевин Дурант до крајот на сезоната, но тоа не го спречи Расел Вестбрук да стигне до својот деветти трипл-дабл сезонава. МВП-то на Ол Старот запиша дури 36 поени (8-24 од игра и дури 17 од 17 погодени слободни). Вестбрук собра и 10 скокови и 14 асистенции. Голем придонес за триумфот на Оклахома имаа и Дион Вејтерс со 26 поени и Ентони Мороу со 21 поен.

 

Со победата од 95:92 над Индијана, Кливленд Кавалирс го осигура плејофот. Синоќешниот триумф беше воедно и 15. по ред на домашен терен за Кливленд, а Леброн Џејмс дури 13 од своите 29 поени ги уфрли во последната четвртина. Кралот Џејмс имаше уште и 7 скокови и 5 асистении. Кајри Ирвинг додаде 13, а Тимофеј Мозгов 12 поени. Кај поразената Индијана, Џорџ Хил беше водечки стрелец со 24 поени.

 

 

Во најнеизвесниот натпревар одигран синоќа, во Бруклин домашните го победија Миловки Бакс 129:127 дури после три продолженија. Брук Лопес со 32 поени и неверојатни 18 скокови е најзаслужен за победата на Бруклин. Јанг придодаде 24 а Џо Џонсон 20. Хрватот Бојан Богдановиќ запиша 15 поени (7-15 од игра), со 3 скока и 7 асистенции. Кај Бакси, Крис Мидлтон најефикасен со 29 поени, а Заза Пачулија имаше 22 поени, 21 скок и 7 асистенции.

 

Три продолженија во Бруклин:

 

Резултати: