Лидерот на Денвер го забележа 118-от трипл-дабл во кариерата во регуларен дел од сезона. За 37 минути колку што беше на паркетот Јокиќ постигна 31 поен со 13 скока и 10 асистенции.
Јокиќ имаше 13/19 за два поени, 3/4 за три поени и 2/2 од слободни.
Џамал Мареј исто одигра сјајно со 31 поен, осум скока и седум асистенции. Покрај нив двајца триумфот на Денвер го осигураа и Кентавијус Колдвел-Поуп со 14 поени и Реџи Џексон со 13 поени. Кај Индијана најефикасен стрелец беше Мајлс Тарнер со 22 поени а Ти Џеј Меконел запиша 17.
Во Западната конференција и натаму прва е Минесота Тимбервулвс со 30 победи и 13 порази, втора е Оклахома Сити Тандер со 29 победи и 13 порази а Денвер Нагетс има 30 победи и 14 порази.
Standings provided by Sofascore
