На Градски/Филип Втори во Скопје сме виделе еден куп ѕвезди од типот на Бекам, Лампард, Руни, Чави, Иниеста, Нистелрој, Робен, Буфон...ама во населба Ѓорче Петров немало и нема повторно да се појави фраер како Златан Ибрахимовиќ. Среќа што имаме снимка.

Хектор Раул Купер е познат аргентински тренер кој во кариерата (тренерска) изгуби шест финалиња а во онаа играчката изгубил четири финалиња. Нема поголем малер меѓу тренерите.

Погледнете го Курт Зума (190см) во елемент на дриблање и Н`Голо Канте (169см) малку погоре. Нели сме во право со насловот?

Еден од најдобрите тренери на денешницата го паметиме како играч кој играше со рака во гипс, со пукната аркада и како човек кој правдината ја тера до крај па макар му се испречиле и илјада хулигани.

Ако мислите дека Челси и Јуве сезонава немаат конкуренција во борбата за титулата сте се лажеле, барем се до моментот кога ќе видите што се случува во Шкотска. Селтик има 70 бода остварени со 23 победи и едно реми, а потоа следуваат Абердин и Ренџерс со по 43. Вчера пукнаа петарда на гости со гол од една акција ала Барселона.

Дека на Каталонскиот тим му недостига смешкото кој од шала даваше голови и играше самба еден против двајца, докажува тоа што токму него го назначија за амбасадор на Барселона. Тешко дека има таков на кој не му недостигаат магиите кои ги правеше, па затоа ќе се потсетиме на последната додека беше во топ форма.

Кога ќе се зачудите како може некој фудбалер толку театрално да падне само ако го допрат или ако воопшто не го допрат, сетете се дека има нешто што им пречи, а тоа е голфот.

Македонската машинерија за голови, продолжува да ги тресе мрежите во Серија А. Откако минатата коло Несторовски погоди на Сан Паоло и му скина бод на Наполи, сега постигна многу важен гол во борбата за опстанокот против Кротоне. Во 27 минута на Ренцо Барбера грмеше името на Илија за 9-ти погодок сезонава од вкупно 19 на цела екипа.

Некогашниот капитен на Реал Мадрид и Шпанија Икер Касиљас е најзаслужен за победата на Порто во дербито со лутиот ривал Спортинг Лисабон. При резултат 2:1 во 93-та минута Касиљас одбрани топка што сите ја видоа во голот на Порто.

4 февруари 2007-ма или точно 10 години по оној легендарен момент кога О`Ши мораше да изигрува голман против Тотенхем. Ван Дер Сар заработи тешка повреда, Фергусон ги направи сите измени, а Гигс и Руни му фаќаа сеир на дефанзивецот кој одлично се снајде како голман и остана несовладан.

Ел Класико, 2012-та кога Барселона везеше (не дека сега не везе) и по една освоена топка успеа целосно да ги зашемети фудбалерите на Реал Мадрид. Друг клуб ова не го може, особено не против Реал. 

Под палката на Жозе дебитирале 49 млади играчи, но само дебитирале. Најголем дел од нив ги нема на фудбалската мапа, а еден од ретките светли примери е Алваро Мората кој стана стандарден репрезентативец на Шпанија. Што има Мурињо против младите таленти?

Ги гледаш и не знаеш дали да ги жалиш или да се чудиш, како може ваков епски спој на 11 луѓе родени во иста земја да не стигне до ниту еден пехар на големите натпреварувања. До нив ли е, до силната конкуренција или пак лошиот избор на селектори?

Од моментот кога ги облекол рударските ракавици на татко му посакал да биде голман. Од родната Полска кариерата го однесе во Ротердам, Ливерпул и Мадрид, градови во кои прослави многу трофеи.

Во големото богатство на најелитните лиги во европскиот фудбал се кријат голем број на погрешни инвестиции за играчи кои се брзо заборавени. Има клубови кои се лузери за успеси во однос на тоа што го трошат. Најдобар пример е Атлетико Мадрид, лош пример двете екипи од Милано.

Пред точно 15 години дебитантски настап во сениорска категорија за Феенорд имаше Робин ван Перси. Најголемиот белег го остави во Арсенал каде во деветте сезони остигна 132 гола. Еден од заслужните за тоа е и Арсен Венгер кој од лево крило го трансформираше во напаѓач, нешто што му успеа и со Анри. Робин уште како млад бил амбициозен и тренирал слободни удари пред и после тренинг. Има одлични снимки од неговата младост каде се двоел од другите.

Есам Ел-Хадари на африканскиот Куп на Нации бранеше на 5 меча: оствари 4 победи, 4 пати не прими гол, фати два пенала и го однесе Египет во финалето. А има 44 години.

Грев е човек да треба да избере само еден гол од 302-та на легендата на Челси или од овие 10. Гледајте и уживајте, компилацијава е извонредна, за секој погодок има опис. Страшни се бомбите против Ипсвич и Хрватска, а тие против Хал, Барселона и Баерн се уметност.

Фудбалерите на Партизан се посрамотија на првиот меч од припремите на Кипар, каде загубија 2:1 од германски четвртолигаш. Дефинитивно најголемата вина оди кај голманот Филип Кљаиќ бидејќи рацете му се кашкавал.

Ова малку не потсеќа на Градски стадион во старото руво, кога играчите летно време бегаа во делот каде сенка држеше јужната трибина.

Фудбалот до толку е станат бизнис што нема потег кој е неплатен, па така од секое Европско првенство клубовите тријат раце од своите играчи кои се репрезентативци.

2017 година на фудбалски план ќе биде посиромашна, особено во среден ред каде нема повеќе да ги гледаме Чаби Алонсо и Стивен Џерард. Уште едно легендарно играчиште кажа доста е. Тоа Френк Лампард, човекот со бројки како врвен напаѓач.