Во рамките на шестото коло од Премиер лигата оваа сабота ќе се сретнат екипите на Арсенал и Челси на натпревар кој според цените на влезниците ќе ја понесе титулата за „најскап фудбалски натпревар".
Германскиот шампион ја претстави својата најнова СФ машина за тренинг. „Фудбонаут" има 64 мети во околина од 360 степени и е омилена играчка на младинците и на повредените фудбалери во процес на рехабилитација.
Модриќ, Едуардо, Чорлука, Шимиќ, Балабан, Манџукиќ, Олиќ... тоа се „деца" на Мамиќ. Динамо Загреб живее од вакви таленти на кои заработува милиони. Најновиот продукт на школото на Динамо загреб се вика Ален Халиловиќ.
Претседателот на фудбалскиот клуб Каљари, Масимо Челино ја презеде одговорноста за губењето на натпреварот против Рома со службени 0:3 и си се суспендираше.
Фудбалските аналитичари со години се обидуваат да ја откријат тајната за успешно изведување на пенали, а таа била толку проста. Германски научници тврдат дека тајната е во стисната тупаница на левата рака.
Екипата на Јувентус ја продолжи неверојатната серија од 44 натпревари без пораз, но по петтото коло тие веќе немаат максимален учинок во новата сезона откако одиграа без голови на гостувањето во Фиренца.
Доколку Тодоров беше министер во Бразил, на овој доктор сигурно ќе му следуваше поголема плата за неговиот учинок. Освен што ги лечи фудбалерите, тој повремено влегува и во игра како дефанзивец.
Плаќањето на патувања, влезници и реквизити за навивачите ни е добро позната традиција која ја практикуваат многу спортски клубови во Македонија, но богатите арапи се еден чекор понапред. Освен за купување на клубови и фудбалери, тие не штедат пари и за навивачи на кои им плаќаат за да одат на стадион.
На Вук Бабиќ од младинскиот тим на српскиот клуб Полет му беа потребни само две секунди за да го постигне еден од најбрзите голови во историјата на фудбалот.
На одложениот натпревар заради саботажа на осветлувањето, Реал Мадрид славеше рутинска победа на гостувањето кај Рајо Ваљекано. Кристијано Роналдо постигна гол од пенал, но од овој натпревар ќе остане запаметено едно негово огромно промашување.
На финалето од Лигата на шампиони кое во 2005-та година се одигра во Истанбул, Ливерпул губеше од Милан со 0:3. Тогашниот тренер Рафаел Бенитез во својата автобиографија пишува за тоа што се случуваше на полувремето по кое Ливерпул го направи најголемиот камбек и триумфираше по изведување на пенали.
Разочарани од седумте порази по осум одиграни натпревари, навивачите на Динамо Москва упаднаа на тренинг и решија да им одржат лекција на фудбалерите. Заканите на ултрасите очигледно вродија плод, па така викендов Динамо го победи Амкар со 3:2.
Интер и Милан немаат победено на Сан Сиро откако е поставен новиот хибриден терен на стадионот во Милано, а ова коло по пауза од три години и двете екипи претрпеа пораз во ист ден натпревари од Серија А.
На емотивен натпревар на кој Ливерпул го одбележуваше расветлувањето на случајот за трагичното загинување на 96 навивачи во Хилсборо, големиот ривал Манчестер Јунајтед со пресврт и неколку спорни судиски одлуки и триумфираше со 1:2.
Капитенот Чави со прекрасен гол го сруши бункерот на Гранада во финишот и спречи сензација на Камп Ноу. Натпреварот го одбележа и една невообичаена појава за екипата на Барселона. Лионел Меси и Давид Виља по една акција се скараа на терен.
Поранешниот член на Македонија ЃП и Работнички, Горан Димовски, кој во моментов настапува во молдавското првенство за екипата на Дачија, на натпреварот против Академија постигна гол од 55 метри.
Фудбалерите на Челси ќе останат на врвот на Премиер лигата и по петтото коло откако го победија Стоук со првиот гол на Кол по пауза од две години. Победи забележаа и Фулам, Евертон, Саутемптон и ВБА, а Вест Хем и Сандерленд ремизираа.
Судијата Ли Проберт беше покосен од Сидвел и Вотсон на денешниот натпревар помеѓу Виган и Фулам по што мораше да му биде укажана лекарска помош, а тој на шега им покажа црвен картон на двајцата фудбалери.
Челниците на клубовите од англиската Премиер лига следната недела ќе одржат состанок на кој ќе се дискутира за воведување нови радикални мерки за контрола на трошоците.
