Познат е и распоредот на натпревари од групната фаза во Лигата на шампионите. Веднаш на стартот на новата сезона ќе гледаме два интересни дуели помеѓу Челси и Јувентус, како и Реал Мадрид против Манчестер Сити.

Во конкуренција со Лионел Меси и Кристијано Роналдо, Шпанецот Андрес Иниеста е избран за најдобар фудбалер во Европа.

Извлечени се групите за новата сезона од Лигата на шампиони. Ако за некоја група може да се употреби терминот „група на смртта", тоа сигурно е групата Д во која се шампионите на Шпанија, Англија, Германија и Холандија.

Магнус Ериксон го одигра последниот натпревар за Атвидаберг пред неговиот трансфер во белгиски Генк и имаше збогување од соништата и тоа со прекрасен гол во последната минута со кој го спаси својот тим од пораз.

Тренерот на Евертон, Дејвид Мојс пред почетокот на куп натпреварот против Лејтон Ориент на загревање го испрати и Шарко, кој и покрај тоа што ги докажа своите голгетерски способности, не доби шанса да заигра на натпреварот кој Евертон го доби со 5:0.

Лигата на шампиони не е приватна забава на фудбалски гиганти со големи стадиони и богата историја. Тоа го докажа и поранешниот клуб на нашите Џевдет Шаиноски и Бајрам Фетаи, малиот дански клуб Нордсјеланд кој со добра организација и развој на млади фудбалери стигна до европската елита.

Кристијано Роналдо и Лионел Меси постојано преку медиумите изјавуваат колку си се почитуваат, но на теренот тоа не е така. Ривалството помеѓу двајцата најдобри фудбалери во Шпанија е толку големо што тие се избегнаа при поздравувањето по завршувањето на реваншот од шпанскиот Суперкуп.

Жозе Мурињо го доби трофејот кој му недостасуваше од Шпанија. Актуелниот шампион го освои и шпанскиот Суперкуп откако на реваншот на Сантјаго Бернабеу ја совладаа Барселона со 2:1.

При резултат 1:1, црна мачка претрча зад одбраната на Торонто за време на нивниот натпревар против Санстос Лагуна во рамките на северноамериканската Лига на шампиони. До крајот на натпреварот Сантос Лагуна победи со 3:1. Немаме информации дали мачката по натпреварот завршила во некој кинески ресторан во Торонто.

По минатонеделната победа на првиот натпревар од шпанскиот Суперкуп, Барселона се израмни со Реал Мадрид и моментално во меѓусебните дуели е 87-46-87, а со победа вечерва Барселона може да има подобар скор за прв пат по повеќе од 80 години.

Грчки ПАОК и австрискиот клуб Рапид од Виена заработија високи казни и ќе бидат суспендирани од европските натпреварувања ако нивните навивачи ги повторат инцидентите од минатата недела.

Во бразилска четврта лига се случуваат и вакви ситуации кога ќе купат шкарт носилки од кинеска продавница.

Конечно заврши и најдосадната трансфер сапуница во историјата на фудбалот. По две години селење во сите можни големи клубови во Европа, детето кое заради војната во Хрватска неколку години живеело во хотел за бегалци и тренирало со дрвени костобрани, потпиша за Реал Мадрид и стана најплатен хрватски фудбалер во историјата.

Селекторот на фудбалската репрезентација на Македонија, Чедомир Јаневски го објави списокот на фудбалери за почетните две гостувања од квалификациите за Светското првенство во Бразил.

Етичката комисија при Меѓунардоната фудбалска федерација покренува истрага за тоа како Германија, Русија и Катар ги добиле правата за организација на Светските првенства, а под истрага ќе биде и претседателот Сеп Блатер.

Најголемиот хит на стартот на сезоната во Премиер лигата е екипата на Свонси. Тренерот Михаел Лаудруп го препороди тимот кој во првите две кола има скор од 8:0 со победите над КПР и Вест Хем. Свонси ли е, Барселона ли е?

Македонскиот интернационалец Марио Ѓуровски кој настапува за Мутонг Јунјтед во Тајланд телефонски го откачи Алекс Фергусон.

Според најновите истражувања, Манчестер Јунајтед со 659 милиони навивачи е најпопуларен фудбалски клуб во светот, но локално тие имаат најмалку навивачи споредено со останатите клубови од Премиер лигата.

Прекрасен почеток на италијанската Серија А. Во првото коло видовме многу возбудувања, интересни натпревари и многу голови, а со своето „голчиште" се истакна Пабло Даниел Освалдо од Рома.

Кој очекуваше дека актуелниот шампион на Шпанија ќе го има најслабиот старт во последните 11 сезони и по две одиграни кола ќе има освоено само еден поен и веќе ќе заостанува пет поени зад Барселона?

Кошмарен почеток на новата сезона за Милан откако беа поразени на домашен терен од повратникот во Серија А, екипата на Сампдорија. Интер, Наполи и Лацио забележаа победи како гости, а Рома само ремизираше со Катанија.

Ведад Ибишевиќ ја доби титулата „Мистер промашување" за оваа недела. Ај што не погоди од пенал, Босанецот ја прифати одбиената топка и успеа да го промаши целиот гол.

Новата сезона во италијанската Серија А започна со трилер натпревар во кој Фиорентина со пресврт го совлада Удинезе, а Јувентус тргна во одбрана на титулата со победа над Парма.

Лидерот во англиската Премиер лига, екипата на Челси продолжи со перфектен учинок по три одиграни натпревари, а со максимален учинок зад нив се Евертон и изненадувањето Свонси. Проработија новите засилувања во Манчестер Јунајтед, а Тотенхем повторно не победи. Погледнете ги сите голови од денешните натпревари.