Авантурата е дело на 26 годишниот Абдулах Алдугаим кој е роден во Саудиска Арабија, но студира и живее во САД. Уште од 6 годишна возраст навивачот ја следи кариерата на Тоти. Поради него го се заљубил во фудбалот, а научил да игра гледајќи видео клипови на интернет.
Кога слушнал дека неговиот идол се наоѓа во Флорида, Абдулах со автомобил поминал 3 илјади километри за 27 часа, а не застанал ниту на едно место да се одмори. Долгиот пат го поминал со својата девојка почнувајќи од Денвер, а за време на патувањето се соочил со голема снежна бура во Колорадо.
„Го доживеав најубавиот момент во својот живот. Кога се запознав со Франческо и кога ми ја притисна раката бев толку возбуден, што не можам да се сетам на ништо од тоа што ми го кажа" – изјави верниот навивач кој на таблицата на својот автомобил го напишал името на својот идол.
