Римското дерби е посебен меч за Лацио и Рома и нивните навивачи. Еве како се подготвуваа капитенот на „Римската волчица“ Франческо Тоти и големиот фан Пепе на 8 април годинава пред одигрувањето на вечното дерби.

3.000 навивачи присуствуваа на натпревар на фудбалскиот клуб Портланд Тимберс против екипата „Зелена машина" предводена од 8-годишно дете кое боледува од рак.

Минатогодишниот освојувач на Лигата на шампионите има значајна предност од првиот полуфинален дуел во Швајцарија со 2:1. На другиот меч турскиот претставник ќе се обиде да го одбрани минималното водство на гостувањето во Португалија.

Во 1863-та година осум мажи во еден паб во Лондон ги напишале првите 13 правила на фудбалот. 150 години подоцна, како дел од прославата на Фудбалската асоцијација, Англичаните започнаа потрага за живите наследници на татковците на фудбалот.

Минатата недела навивачите на српскиот третолигаш Мачва Шабац, а пред два дена и навивачите на ЦСКА од Софија провалија на нивните стадиони и ископаа гробови на терените како што во 2007-та година тоа го сторија Комитите.

Реал Мадрид и Барселона не само што беа елиминирани, туку беа и целосно надиграни од Борусија Дортмунд и Баерн Минхен, па сосема заслужено Германците сега можат да им удрат и еден добар сеир.

Германската машинерија повторно ја посрамоти Барселона и со вкупен резултат од 7:0 го елиминираше шпанскиот гигант кој беше тотално немоќен и пред своите навивачи. За прв во историјата на Лигата на шампионите ќе гледаме германско финале.

Борусија Дортмунд е првиот финалист во Лигата на шампиони. Реал Мадрид извојува пирова победа од 2:0 и Германците со вкупни 4:3 се пласираа во финалето од најелитното европско клупско натпреварување кое ќе се одигра на 25 мај на Вембли.

Ѕвездата на Барселона не можел повеќе да ја поднесе гужвата која се создавала околу неговата куќа и проблемот одлучил да го реши со купување на соседната куќа каде често пати се мотале разни фаци.

Сето ова што ќе ви го раскажеме се случи во финале на Куп во аматерска бразилска лига. Најпрвин се создаде гужва која судијата ја расчисти со два црвени картони, од кој вториот си го заработи тренерот. Играчите почнаа да го бркаат главниот судија, а тренерот го грабна за врат. Потоа линискиот судија ни крив ни должен доби камен во тело и мало освежување со вода.

Шведскиот прволигаш Бромапојкарна на гостувањето кај Мјалби во неделата имаше поддршка од само еден навивач кој од поранешниот фудбалер на Манчестер Јунајтед, Бојан Ѓорѓиќ ќе добие наградно патување.

Темпераментниот Италијанец кој живее за фудбалот и страствено ги доживува победите, по остварувњето на одличните резултати со Свиндон кој од четвртата успеа да го однесе на челните позиции во третата англиска лига, тимот на соработници си го донесе и во екипата на Сандерленд.

Ако ја слушнете >> ОВАА << мелодија и адреналинот веќе ви е во крвта како Вие да излагате на свежо косена трева пред преполни трибини, значи си имате пасија и живец за фудбал и со сигурност ќе бидете од оние кој ќе ја прочитаат статијава до крај.

Фудбалерите на Жозе Мурињо треба да го одиграат натпреварот на годината и да блеснат во најдоброто можно издание за да ја анулираат високата предност на Борусија од првиот дуел. Пример треба да им биде Депортиво кој во 2004 година го шокираше Милан.

Германскиот весник „Шпигел" откри дека маркетинг компанијата ISL им поделила мито во висина од 115 милиони евра на високи спортски функционери, помеѓу кои и поранешниот претседател на ФИФА, Жоао Авеланж.

Многу врвни фудбалери се обиделе да постигнат ваков гол, но на крајот завршиле со лице во земја. Овој пат успешен обид имаше Хуесеин Акоглу од турскиот 3-то лигаш Назиле.

Обично сме навикнати на сцени каде судиите се главна мета на нервозните играчи како што е на пример и во македонските лиги, но овој пат како тепач се покажа линискиот судија од Русија, Муса Кадуров кој нападна фудбалер на меч помеѓу младинските екипи на Амкард и Терек. Епилогот е доживотна суспензија.

Нема крај на проблемите за најмалерозниот тим во Италија. Листата на повредени фудбалери на Интер сега има 15 имиња.

Од 15 годишно скромно момче кое разнесувало млеко, преку видео касетите на кои Морати се воодушевувал од неговите вештини на теренот, Хавиер Занети ќе биде запаметен како легенда на Интер. И покрај тешката повреда, 39 годишниот лидер на „Нероаѕурите" нема намера да се повлече од фудбалот.

Минатата недела Бразилците го претставија својот официјален инструмент за Светското првенство, а викендов каширолата го имаше и своето неуспешно деби на фудбалски натпревар.

Навивачите на Вердер Бремен покажаа како се сака својот клуб и по порази. И покрај тоа што Вердер викендов загуби на гостувањето кај Баер Леверкузен и се најде на само 2 поени над опасната зона за испаѓање, 3.000 навивачи останаа по натпреварот и ги поздравија своите фудбалери.

Сигурно сте ги слушнале приказните дека „скаутите" на Вардар ги одбиле Димитар Бербатов и Владимир Југовиќ затоа што не биле доволно добри, но еден човек е посебно неталентиран за одбирање на таленти. Претседателот на Џенова ги одбил Меси и Левандовски.