16 коло од фудбалската прва лига во Босна и Херцеговина помина со низа инциденти на двата фудбалски натпревари Ѕвезда – Борац и Железничар – Травник.

Литванецот Владимир Романов кој ветуваше дека ќе го одведе шкотскиот клуб Хартс во Лигата на шампиони и во 2009-та година го спаси од банкрот кошаркарскиот клуб Жалгирис, тврди дека мора да и се врати на претходната работа, односно да вози такси откако се затвори неговата банка и тој го загуби целото богатство.

Колку да не го заборавиме, Диего Форлан ни праќа абер од Бразил. Минатата сезона Форлан во дресот на Интер на 20 натпревари постигна само 2 гола, по што премина во бразилскиот клуб Интернасионал каде само вчера на полуфиналниот натпревар против Еспортиво постигна 2 прекрасни погодоци.

Лудилото кое го зафати целиот свет наречено „Харлем шејк", на кое не останаа имуни ниту спортистите, скапо го чинеше капитенот на вториот тим на Партизан кој остана без капитенската лента заради едно вакво снимено видео.

Ваквиот велемајсторски начин на постигнување гол од пенал ретко се гледа на фудбалските терени. По Јан Кулокорпи од Финска, популарниот „Рабона“ удар му успеа и на 42 годишниот Жалмина на футсал мечот помеѓу екипите на Фламенго и Флуминезе

Играчот од средниот ред на Манчестер Сити и повремен репрезентативец на Англија, Џек Родвел веќе подолг период има проблеми со повреди кои реши да ги надмине со големи промени во неговиот живот. Една од работите која му влијаела на неговите повреди е и старата перница.

По елиминацијата во полуфиналето на Копа дел Реј, Реал Мадрид уште еднаш славеше во „Ел Класико“ со конечни 2:1. Натпреварот го реши Серхио Рамос со погодок на 8 минути до крајот. Разликата помеѓу двата шпански гиганти во домашното првенство сега изнесува 13 бода.

Англискиот премиерлигаш ја откри тајната на новиот успех. Со помош на нивните кокошки кои ги купија пред речиси една година ќе се надеваат на нови победи во англиското првенство. Кокошките освен што снесуваат јајца, ќе имаат задача да ги прогнозираат натпреварите каде што игра Фулам.

Уживајте во изборот на TVGOLO за најдобите десет голови од изминатите седум денови.

Челните луѓе во фудбалските клубови обично сме навикнати да ги гледаме во ВИП ложите, стокмени во скапи одела и во елитно друштво. Но митот за овие луѓе кои располагаат со милиони, го урна едно младо момче од Еквадор, кое од претседателската фотеља се префрли во составот на клубот Манта.

По „око соколово" и двете технологии со магнетни полиња, ФИФА денес одобри уште еден нов систем за разрешување на спорни ситуации во фудбалот. Новата технологија се вика GoalControl-4D и користи 14 камери.

Човекот кој пред 16 години изјавуваше „денес, утре и засекогаш Барса во моето срце", стана главен непријател на Барселона. Двете „Ел Класика" за пет дена се само една епизода од долгата приказна со бурно минато помеѓу Португалецот и каталонскиот клуб.

Дерби пресметката во Серија А, која според италијанските медиуми ќе биде одлучувачка во борбата за Скудетото е одлична прилика за нашиот капитен да го прекине постот од 19 меча без постигнат гол во Серија А. Пандев до сега ја има затресено мрежата на „Старата дама" седум пати.

Кога си тренер на Вардар, прагот на толеранција е многу понизок. Целава работа мора да се сопре пред да биде премногу касно. Неуспех или не дај Боже пораз против Пелистер значи дека можеш слободно да ја прифатиш работата во Манчестер.

Само два до три погрешни зборови се доволни да ги напишете на социјалните мрежи за да останете без работа. Тоа се случи во Шкотска каде полицаец кој е задолжен за одржување на редот и мирот на навивачката група на Селтик, е разрешен од својата должност.

Темпераментниот италијански фудбалер кој остави белег како голем борец во тимот на Милан, одлично се снајде во новата улога во Сион. На неговото деби каде истовремено настапи како играч и тренер, клубот го однесе во полуфиналето на швајцарскиот Куп.

Фудбалскиот клуб Барселона ќе ја обжали одлуката на ФИФА со која на 6 членови на нивната школа Ла Масија им е забрането да играат за младинските тимови заради прекршување на регулативите за интернационални трансфери на малолетни фудбалери.

Дејвид Бекам за прв пат се најде во стартниот состав за ПСЖ и тоа при победата со 2:0 на дербито од купот против Олимпик Марсеј. При еден погруб дуел со Ају, противничкиот фудбалер го собори Бекам на тревата, но тоа не му пречеше на Англичанецот. Проблем е што му се растури фризурата, па неговата реакција на целата ситуација беше како тој да се наоѓа на сред снимање реклама за шампон.

Се сеќавате ли на Илхан Мансиз, стрелецот на најважниот гол во историјата на турскиот фудбал? Прославениот фудбалер сега напорно вежба уметничко лизгање и е на добар пат да стане првиот спортист кој настапил на Светско фудбалско првенство и на Зимски Олимписки игри.

Борбата на ФИФА и УЕФА против расистичките појави на стадионите и натаму останува загубена битка за овие две фудбалски институции. Кон ова зло се чини најстрого постапуваат англиските клубови, како на пример второлигашит Милвол кој го казни навивачот Џерард Сканлон со доживотна забрана за одење на стадион.

Перси Звомја, дописник на Гардијан од Јужна Африка, кога бил мал сакал да стане фудбалер. Наместо тоа, станал свештеник. Но најголемата дилема кога требало да ја донесе одлуката му била - дали има фудбал во рајот?

Лондонскиот тим кој минатата година ја освои првата титула во Лигата на шампионите, поради банални причини го смени постерот пред стадионот „Стемфорд Бриџ" каде се наоѓаше италијанскиот стратег Роберто Ди Матео.

Не би сакале да шутнете високо и топката да искочи надвор од овој терен. Швајцарското село Гшпон го има највисокото фудбалско игралиште во Европа. До него се стигнува само со жичара, а на натпревари се губат и до 10 топки.

Фудбалерот на шпанскиот второлигаш Ксерез, Ернесто Галан го прогласуваме за офсајд лик на неделата. Неговата екипа цели 30 минути играше со играч повеќе против Сабадел и на крајот загуби со гол во 95-та минута и тоа со автогол на несреќниот Галан кој си го лобуваше голманот со шкорпион удар.