Ветено сторено, Мурињо и Игор се сретнаа во Скопје

Македонскиот новинар Игор Александровиќ од ТВ Сонце имаше молба од славниот стратег. Овој ја прифати и уште истиот ден ја реализираше, господски потег за кој пишуваат еден куп светски медиуми.

Во пресрет на утрешниот дуел со Шкендија во 3. квалификациско коло во Лига Европа, Тотенхем вообичаената прес конференција пред мечот ја одржа денеска на пладне во Лондон, а за македонските новинари беше обезбедено вклучување преку зум.

Игор од ТВ Сонце имаше спремено две прашања кои му ги постави на Мурињо, но и едно барање, а тоа е да се фотографира со него, аманет кој му го оставил неговиот татко пред да почине кој инаку бил негов голем фан.

Жозе без проблем го прифати тоа и му одговори дека може слободно да му пријде пред или после мечот, а ветувањето му го исполни уште истиот ден, односно вечерва во хотелот Хилтон во Скопје, каде пристигна англискиот тим.

23 септември 2020 - 22:44

Штета ако сте пропуштиле

Финален испит

Како Њујорк тајмс стана Фокс њуз

Ивермектинот не чинеше затоа што беше евтин

„Сакам мојата учителка да знае...“