Вардар - Црвена звезда, пријателската во 1995-та

На иницијатива на некогашниот европски и светски првак, а преку посредство на Дарко Панчев и Илија Најдоски, Црвена звезда и Вардар во Скопје во среда ќе одиграат пријателски натпревар од хуманитарен карактер. Сите средства од продадените влезници за натпреварот ќе бидат префрлени на сметка за семејствата на настраданите од страшниот пожар во дискотеката во Кочани. Скопјани и Белграѓани неколку пати досега низ историјата играле официјални натпревари за бодови но и пријателски. На една таква пријателска во Скопје во 1995-та Вардар победи 3-0.

На студен 5-ти ноември во зимата 1995-та Вардарци предводени од тренерот Илија Димовски славеа 3-0.

Краток видео извештај на МРТВ со легендарниот преубав глас на коментаторот Зоран Јордановски. 79 секунди со головите на Петрески, Митко Стојковски и Џевдет Шаиновски. Тука е и Ерол Демир, Жаре Серафимовски. 3.000 публика, снег, студ и најубавите дресови во историјата на Црвена звезда - БЕОБАНКА.

Тој натпревар мина во протест на навивачката група Комити против тогашниот фудбалски сојуз на Македонија (ФСМ) и претседателот на истиот, Љубисав Иванов - Ѕинго.