Скромното издание на Бразил на Светско првенство 2022 во Катар продолжи и во актуелните квалификации за Мундијалот 2026 кој ќе се игра во САД, Канада и Мексико.
Бразилците во септември едвај го победија Перу 1:0 со гол во самиот финиш, а набрзо им стигна и студен туш на домашен терен со Венецуела (1:1). На крајот потврда дека нешто не е во ред со најтрофејниот светски првак покажа поразот од Уругвај 2:0 во Монтевидео.
Новиот селектор на Уругвајците, Марсело Бјелса веќе носи резултати и за очекување е оваа репрезентација да блеска во скоро време.
Ѕвездата на Ливерпул Дарвин Нуњез со две мајстории (гол и асистенција) му пресуди на Бразил кој има в.д. селектор и кој од јуни следната година ќе го преземе Карло Анчелоти.
Натпреварот од 4. коло од јужно-американските квалификации донесе прв триумф за Уругвај над Бразил после цели 22 години! Уругвајците притоа ја урнаа неверојатната серија на Бразил од 37 меча без пораз (28 победи и 9 нерешени) во квалификации. Тоа е најдолга серија без пораз во квалификации во Јужна Америка.
Дарвин Нуњез го отвори резултатот и асистираше при вториот гол. Прво погоди во 42’ минута за свој 5-ти гол во репрезентацијата:
Пред крајот на првиот дел тешка повреда доживеа Нејмар кој по дуел со Де ла Круз остана да лежи на теренот и беше изнесен надвор.
Во 77’ минута Дарвин Нуњез маестрално асистираше до Де ла Круз кој ги постави конечните 2-0:
Интересно ова е само шеста победа на Уругвај против Бразил во историјата но се памети оној од финале на Светско првенство токму во земјата на фудбалот и самбата и познатиот „Мараканаѕо“.
После 4 одиграни кола, светскиот шампион Аргентина е убедливо прва со 12 бода, 4 победи и гол разлика 7:0. „Гаучосите“ славеа со два мајсторски гола на Лионел Меси кој сега со 31 погодок во јужно-американските квалификации го надмина досегашниот рекордер, неговиот другар Луис Суарез кој има 29 гола.
Уругвај е втор со 7 бода колку што имаат уште и Бразил и Венецуела на трето и четврто место. Од Јужна Америка на Мундијалот 2026 ќе одат дури 6 селекции а 7-та ќе игра бараж.
URUGUAY BEAT BRAZIL FOR THE FIRST TIME IN 22 YEARS! 🇺🇾🔥
— Warriors of Uruguay (@UruguayanHeroes) October 18, 2023
Goals from Darwin and De la Cruz lead La Celeste to a historic win over Brazil.
A commendable team performance from the first to the last minute.
Marcelo Bielsa is creating something special! pic.twitter.com/0f70UvpkFV
