Тихо ја урна Легија среде Варшава и создаде делириум во соблекувална

Во некои земји новата фудбалска сезона тече, а победите се слават на големо благодарение на наши репрезентативци.

Тихомир Костадинов е јунак во 3. коло од полскиот шампионат откако на својот тим Пјаст Гливице му донесе огромни 3 бода на гостувањето против Легија Варшава.

Македонскиот репрезентативец влезе како џокер во 79-та минута и по само 6 минути игра постигна гол и го реши мечот при резултат 1:1.

За Пјаст Гливице кој лани заврши на 10-та позиција ова е голема победа против фаворитот Легија, инаку најтрофеен полски клуб со 15 титули и 20 купови.

Пјаст Гливице има 7, а Легија 6 бода.

За Костадинов ова е прв сезонски погодок. Во соблекувална падна огромно славје.