Станковиќ збесна и на 4 јазици се расправаше со новинар

Легендарниот фудбалер веќе неколку години е тренер но никако да ги смири емоциите и редовно бурно реагира. Сега го води рускиот гигант Спартак Москва. Има победи, нерешени и порази, не му оди лошо, но на терен не може да се исконтролира. Често се расправа со судии, пцуе и ги навредува поради што е на удар на руската јавност.

Сега после победата на неговиот Спартак Москва 1-2 над Ахмат на гости, Станковиќ збеснал по едно новинарско прашање на новинарот Адам Ахмадов: „Пред крајот од натпреварот му викавте на судијата 'Срамота!' Раскажете што бидна“?

Некогашниот тренер на Удинезе и Црвена звезда збесна после прашањето па му згрме на новинарот на англиски, па на италијански, па на српски, па на руски:

„Само го поздравував Богосавац (прим. ав. српскиот фудбалер Мирослав од Ахмат). Не знам за што зборите“.

Новинарот му заблагодарил на Станковиќ за одговорот но овој подивеал:

„Немате други прашања, а? Само тоа за судијата? Зошто ме провоцирате? Зошто не ме прашате за фудбал? Каква формација сме играле, кои измени сме ги направиле? Вие не знаете за тоа ништо, може да зборите само тоа...“