Во поопширен разговор за Матч ТВ, Хидинк предложил ФИФА да организира турнир со учество на четири селекции: САД, Русија, Украина и Европа, како миротворна мисија.
Во понеделник првиот човек на руското МНР, Сергеј Лавров изјавил дека раководството на ФИФА ја разгледува можноста да се одигра пријателска средба меѓу Русија и САД. Последен пат овие две селекции се сретнаа исто на пријателска во 2012-та година, на преубавиот нов стадион во Краснодар. Дуелот заврши 2:2.
„ФИФА треба да организира турнир со САД, Русија, Украина и Европа. Победникот не е важен... На светот му треба крај на руско-украинскиот конфликт!
За таа цел фудбалот може да биде многу корисен - за време и после турнирот сите се должни да го спуштат и положат оружјето... Како во Првата светска војна, кога сојузната војска и Германците играле фудбал заедно за Нова година“, рекол Хидинк.
Во февруари 2022 со почетокот на руската специјална воена операција и инвазија над Украина, ФИФА и УЕФА ги отстранија стриктно сите руски клубови и репрезентации од учество во меѓународните натпреварувања.
