Рома владее со Рим, „волчицата“ го победи Лацио

Рома го победи Лацио кој беше номинален домаќин попладнево на „Олимпико“ во Рим во првото римско вечно дерби играно во таков необичен термин од 12:30 часот. Рома славеше 0:1 со гол на капитенот Лоренцо Пелегрини кој прецизно шутираше од далечина во 38' минута на додавање на Матијас Суле. Во финишот на мечот фудбалерите на Лацио ги изгубија нервите па заслужено добија два црвени картони во рок од десет минути, прво Балајан а после Матео Гендузи надвор од теренот.