Нигериската измама или нам добро познат нигериски спам го погоди и претседателот на Фудбалската федерација. Во соопштение преку федерацијата, претседателот Амину Маигари информираше дека некој му го пробил мејлот и им испратил пораки на сите луѓе од неговиот адресар.
Во пораките тој од неговите пријатели барал пари затоа што имал проблеми во странство.
Претседателот навистина во моментов е во странство, но нема никакви финансиски проблеми. Тој во моментов е во Бразил каде во петок ќе се одржи извлекувањето на групите за Светското првенство.
Нигерија е една од петте репрезентации од Африка кои се квалификуваа на Светското првенство заедно со Брегот на Слоновата Коска, Гана, Камерун и Алжир.
