Потпиша професионален договор, а со години е скоро колку Пеле

Дедово има 74, но по се изгледа пензијата не му стига, а телото и паметот му дозволуваат да работи. Што? Да игра фудбал, ама професионално со договор. Гинис спремај книгата.

Јапонија го има Миура, ние го имаме Тони Мицевски, а Египет Елдин Бандер.

“Дечкото“ е постар од Капело и Липи, малку помлад од Пеле и Еузебио, односно генерација е со Герд Милер. Значи роден е 45-та.

Но како што стојат работиве изгледа само него на планетава земја не му сметаат 74-те години за да може да игра фудбал.

Јунакот од Египет чии врсници обично чуваат внуци, одат на пазар и се собираат на шах, реши да потпише професионален договор во третата египетска лига која влегува во професионален ранг.

Името на клубот е 6-ти Октомври од каде не откриваат детали околу договорот на Бандер, а нема ниту информации за неговиот беграунд.

Од Фудбалската федерација на Египет соопштија за неговиот потпис и веруваат дека токму е тој е најстариот фудбалер во историјата кој некогаш потпишал договор.

Доставија и покана до Гинисовата книга на рекорди да дојдат и да го гледаат за да го запишат и неговиот рекорд.

Ако Елдин нема искуство со тек на време ќе има можност да собере, нели?

Но од Гинис не е лошо да наминат и до Прилеп.

22 јануари 2020 - 14:54