Момент за историја, по Марадона Скудетото со Наполи го слави Елиф Елмас

Готово, вече е официјално. По 33 години Наполи ја слави титулата во Серија А после двете со незаборавниот Диего Армандо Марадона од кој деновиве на големо се вејат знамиња во Неапол. По Горан Пандев 2010-та со Интер, Елиф Елмас стана втор Македонец кој успеа да се искачи на тронот во италијанскиот фудбал. Честито мајсторе.

Ако Салернитана пред четири дена успеа да им го расипе славјето, на Удинезе вечерва тоа не му успеа.

И на двете средби Наполи одигра 1:1, но вечерва и математички е шампион бидејќи на 5 кола до крај има недостижни 16 бода предност пред второпласираниот Лацио.

Удинезе поведе со голот на Словенецот Санди Ловриќ, а израмнувањето вредно Скудето пристигна во 52 минута со голот на првиот стрелец во Серија А со 21 гол Виктор Осимен.

Елиф Елмас и Илија Несторовски беа стартери и го одиграа цел натпревар.

За Елмас ова е блескав и историски момент и со 23 години веќе има Скудето и Куп на Италија во дресот на Наполи кој го носи четврта сезона.

За сега сезонава има 31 меч и 6 гола. Неапол вечерва нема да спие.

4 мај 2023 - 22:32

Штета ако сте пропуштиле

Новото лого на Скопје

Ако синоќа сте се одземале

Спрингстин да напише нова химна

Калифорнија, онаму каде што слободата оди за да умре