Аргентина е лидер во групата со 12 бода, Уругвај е втор со 10, Колумбија трета со 9, Венецуела четврта со 8 а Бразил неочекувано 5-ти со само 7 бода (имаат веќе 2 гостински порази).
Интересно „кариоките“ никогаш не изгубиле домашен натпревар од квалификации за Светско првенство. На 64 натпревари имаат 51 победа и 13 нерешени.
Што се однесува до Лео Меси, тој против Бразил одиграл 13 дуели во кариерата и има по 6 победи и порази и една нерешена. Постигнал 5 гола против кариоките но сите на пријателски средби. На официјални натпревари има повеќе од 700 минути против Бразил и има 0 голови и 0 асистенции. Во Јужна Америка најмногу голови на официјални средби дал против Боливија (8) и против Еквадор и Уругвај по 6.
Бразил е на списокот на седум репрезентации против кои Меси постигнал хет-трик, факт вреден сценарио за документарка.
