Секој што ја следи кариерата на Елмас уште од почеток, сигурно знае дека тоа е патот по кој одеше Елиф, но судбината или коинциденцијата сакаше по идентичните стапки да чекори и Мухамед. Или па можеби советите.
Неговото цело име е Мухамед Елмас кој не случајно се презива како ѕвездата на Наполи. Први братучеди се, седум години се разлика, а помалиот за сега го следи патот на постариот.
Мухамед е роден во Скопје 2006-та година, а фудбалските стручњаци сметаат дека има голем потенцијал за блескава кариера.
Игра офанзивно во среден ред како братучед му, а викендов дебитираше во првата македонска лига со само 16 години и 28 дена, на мечот Скопје – Работнички 0:1.
Исто како Елиф, со таа разлика што рекордерот за малку им бега. Тоа е Дашмир Елези од Шкендија, кој со 16 години и еден ден е најмлад дебитант во македонска прволигашка конкуренција.
Мухамед Елмас настапува и за селекција на Македонија У-17 и се надеваме дека со добар развој и многу работа ќе го стигне нивото на братучед му.
Работнички извади многу таленти кои направија убави трансфери во странство и станаа стандардни репрезентативци.
Вакви деца се иднината за Македонија и да се надеваме дека ова ќе биде новиот дијамант кој ќе блесне.
At 16 years & 28 days Muhamed Elmas (Cousin of Elif) made his debut for Rabotnicki off the bench in their 1-0 win over FK Skopje. pic.twitter.com/qIBF5xDOtO
— Football Macedonia (@MacedonianFoot_) February 27, 2022
