Најинтересните факти за дуелот Реал мадрид - Галатасарај:
-Овие два клуба до сега се сретнале два пати во Лигата на шампионите и тоа во четвртфиналната фаза минатата сезона и во 2001 година. Интересно е што и во двата наврати турскиот тим славеше со 3:2 на домашен терен, но не отиде понатаму поради поразите од 3:0 на двата меча во Мадрид.
-Единствениот играч кој настапуваше за Кралевите на тие два меча пред 12 години и кој ќе биде во составот и вечерва е Икер Касиљас.
-Реал Мадрид и Галатасарај се сретнаа и на финалниот меч од Европскиот Супер Куп во 2000 година кога Турците триумфираа во продолженијата со 2:1.
-Тројца тогашни фудбалери на Галатасарај сега се дел од стручниот штаб на клубот. Голманот Клаудио Тафарел и играчите од средниот ред Хасан Шаш и Умит Давала.
-Фатих Терим беше сменет на тренерската клупа во Милан во 2001/2002 токму од вечерашниот негов противник Карло Анчелоти.
-Фудбалерите на Галатасарај Весли Снајдер и Хамит Алтинтоп се поранешни играчи на Реал Мадрид. Холанѓанецот настапуваше две сезони почнувајќи од 2007 година и постигна 11 гола, а турскиот фудбалер имаше само 5 настапи во 2011/2012 и постигна еден гол.
-Карло Анчелоти кој вечерва ќе дебитира со својот шести клуб во Лигата на шампионите, со сите претходни екипи Парма, Јувентус, Милан, Челси и ПСЖ имал победнички старт.
-Минатата сезона тимот од Бернабе стартуваше со победа од 3:2 во ова натпреварување и одбележа 6 победи во низа.
-Најдобар стрелец минатата сезона во Лигата на шампионите беше Кристијано Роналдо со 12 постигнати погодоци. Тој има 21 гол на последните 19 меча и вкупно 50 до сега во ова натпреварување.
ГРУПА А
Манчестер Јунајтед - Баер Леверкузен, Реал Сосиедад - Шахтјор Донецк
ГРУПА Б
Копенхаген - Јувентус, Галатасарај - Реал Мадрид
ГРУПА Ц
Бенфика - Андерлехт, Олимпијакос - ПСЖ
ГРУПА Д
Баерн Минхен - ЦСКА Москва, Викторија Плзен - Манчестер Сити
