Младинската школа на Вардарци именувана по легендарниот Кирил Симоновски Џина се врати на своето старо место во населбата Аеродром, спротив салата Јане Сандански.
Вардар доби концесија од општината и со тоа го отвори тренинг центарот наменет за децата кои ќе се калат во младинските категории водени од Влатко Колев, Марјан Герасимовски и Сашо Тодоровски.
11 кратниот првак на Македонија најавува враќање на стариот сјај на школата и сака да им даде можност да сите таленти да си ја исполнат желбата и да го облечат дресот на Вардар.
Децата кои се дел од школата одиграа меѓусебни натпревари, а Комити го зачија настанот со пиротехничко шоу.
Меѓу присутните можеше да се забележи и една од најголемите вардарови легенди, Кочо Димитровски кој е рекордер според бројот на настапи во Вардар.
