Кристијано Роналдо, Карим Бензема, Нголо Канте, Марсело Брозовиќ, Роберто Фирмино, Калиду Кулибали, Сергеј Милинковиќ-Савиќ, Бернардо Силва, Стивен Џерард, Жорже Жезуз, Луис Кастро и други се најпознатите имиња кои се отидоа во Саудиска Арабија да играат фудбал.
На прв поглед сите се отидени поради астрономските суми кои ќе ги заработат. Но јавно никој не е спремен да каже такво нешто, па изборот го објаснуваат поинаку.
„Среќен сум поради можноста не само да се развие фудбалот, туку и поради нови генерации и исто поради развојот на жените, младите деца. Тука има многу конкурентно првенство“, изјави меѓу другото Кристијано Роналдо кога дојде во Ал Наср.
Стивен Џерард:
„Тука има многу добри луѓе, да почнам од управата. Со доаѓањето во Саудиска Арабија, се почуствував како дел од право семејство“. Џерард е нов тренер на македонскиот репрезентативец Дарко Велковски.
Карим Бензема:
„Јас сум муслиман, а ова е муслиманска земја. Отсекогаш сум сакал тука да живеам“.
Калиду Кулибали:
„Јас сум муслиман и одам во правата земја. Можам да му помогнам на моето семејство да живее добро и да ја поддржам работата на моите некомерцијални организации во Сенегал“.
Луис Кастро (тренер):
„Ова е нов предизвик во кариерата. Светот нема граници. Ние сме светски тренери и не се врзуваме за определена земја. Нормално е што португалски тренери работат во Бразил а потоа и во Саудиска Арабија“.
Роберто Фирмино:
„Секогаш сум играл за големи клубови. Сега сум во Ал Ахли“.
Жорже Жезуз (тренер):
„Веќе го презедов клубот, работата не беше готова, иако освоивме Суперкуп и бевме лидери во првенство. Помислив дека треба да се возобнови проектот кој не беше завршен“.
Се очекуваат изјави од Канте, Невеш, Менди, Жота, Брозовиќ, Бернардо Силва и други.
