Пеп Гвардиола често е насмеан, ведар и харизматичен. Ама како и секој човек, знае да избувне.
„Не доаѓајте веќе! Нема да ви се потпишувам, јас ве знам во лице. Одете во школо, учете - вие сте млади, не губете време залудно. Сакате вака да ви пројде животот, со ова да се занимавате? Навистина? Сакаш остатокот од животот да ти пројде со ова? Подобро учете деца. За што сонуваш ти? Тешко а?“
Кога ова видео се појави јавно, Рој Кин го поддржа Гвардиола. Според Ирецот, порано децата кои сакале дрес или да се сликаат покажуваа уважување, а сега не: „Сега одат на паркинг. Тоа му беше неговиот (на Пеп) домот нели? Ужасно е ако тие знаат каде живеат познатите лица. Тие се идиоти а Пеп е одличен“.
Тогаш се разви и теоријата дека постојат ловци на автограми кои добиваат автограм од ѕвездите и ги препродаваат за големи пари. И да, тие знаат кај живее Пеп. Пробуваат да дојдат до него секој ден. Ама тренерот им ги запомнил лицата и се зарекол дека веќе нема да им дава автограми.
ЗА КОЛКУ МОЖЕ ДА СЕ ПРОДАДЕ АВТОГРАМ НА ПЕП? ИЛИ НА РОНАЛДО И МЕСИ?
Наводно ловците на вредни автограми бираат од кого ќе бараат потпис. Понатаму решаваат на што ќе им се потпише. Има разни варијанти: на слика, на картичка, на постер, на шал, на маица. Но најпопуларно е на дрес од Манчестер Сити.
Фотографија од Пеп, постер од фан-шоп на Манчестер Сити чинат неколку фунти. Шал чини 15 фунти. Да купат дрес од официјален фан-шоп не им се исплати зошто е некаде над 100 фунти. Обично бираат разни дресови од претходните сезони кои може да се купат во дијапазон од 3 до 15 фунти и тоа не оригинални.
Следна етапа им е да одат по автограм. Ловците бараат и анализираат информации каде ќе го сретнат Пеп. На некој настан поврзан со Манчестер Сити, каде тренерот ќе оди пред и после натпреварот и сл.
Додека им дава автограм, важно им е многу да го сликнат целиот процес додека Пеп се потпишува, со цел да соберат јак доказ на тој што ќе му „го увалат“ автограмот подоцна.
Кога сè е готово, потпишаните предмети ги ставаат на огласни страници. Во Англија мошне популарен со години е И-Беј. Потпишана фотографија може да чини 40-50 фунти. Дрес од Манчестер Сити со потпис од Пеп и бројот 1 на оваа страница продавааат за 149,9 фунти.
Има разни варијанти. Некаде го нудат за 94 фунти.
Има и стари дресови од Пеп Гвардиола од времето на легендарната Барселона кои одат и до 200 фунти!
Цена пак на оригинални дресови со автограми од фудбалерите на Сити некаде достигнувале и до 1.500 фунти.
Дресови потпишани од Роналдо одат во дијапазон од 500 до 1.000 фунти на eBay. Горе толку се и за Меси.
Некои нашол и достапни легендарни ретро дресови на Пеле и Марадона со автограми. 4.000 фунти чини дрес на Наполи од Марадона со негов потпис. Книга со автограм од Аргентинецот изнесува 1.500 фунти. Дресови од Пеле со автограм се достапни од 1.000 до 2.000 фунти.
Има и еден од најскапите примери: врамени оригинални дресови од Марадона и Пеле, со нивни потписи на нив, вредни 10.000 фунти!
