Интересно Муслера шутирал пенал и во неговата дебитантска сезона во Галатасарај, на крајот во последното коло од таа 2011/2012.
Фернандо Муслера е најтрофеен играч во историјата на турскиот фудбал: има 8 шампионски титули, 5 Купа и шест Суперкупа. Севкупно 19 трофеи за 14 полни сезони во дресот на Галатасарај. Муслера има 550 натпревари во сите турнири и е права клупска легенда.
Тој следната сезона би можел да стане рекордер по бројот на настапи (прв е Булент Коркмаз со 589 натпревари) но договорот му е до летово 2025. Како што се најавува тој ќе се врати во татковината Уругвај и таму ќе ја заврши кариерата. Сакал да го води својот клуб од трета лига Спортиво Бела Италија.
🇺🇾😅 Galatasaray goalkeeper Fernando Muslera (38) SCORED a penalty! 🧤⚽️
— EuroFoot (@eurofootcom) May 18, 2025
This is the match that confirmed the title for Galatasaray. He has been at the club for 14 years. pic.twitter.com/nsXITYCo3G
Галатасарај стана шампион на Турција на две кола пред крај. Изгуби само еден меч во првенството и тоа од големиот ривал Бешикташ во март месец. Сезоната ја започнаа со пораз 5:0 против Бешикташ во Суперкупот но и испаѓање во квалификациите за Лига на шампиони од Јанг Бојс. Галатасарај потоа зареди 20 победи и 3 нерешени во првите 23 кола и заслужено стана шампиони. Имаа и серија од осум победи на девет меча во еден дел од сезоанта.
Ова е 25-та шампионска титула за Галатасарај така што клубот сега над грбот, над амблемот ќе пришие и петта ѕвездичка. Галатасарај трет пат по ред ја освојува шампионската титула под водство на тренерот Окан Бурук. Претходно имаше три различни шампиони: Истанбул Башакшехир, Бешикташ и Трабзонспор.
Фенербахче останува на 19 освоени титули. Никако не можат да и се израдуваат на шампионската титула освоена во далечната 2014-та година. Од 2008-ма година верувале или не Фенербахче има дури 11 втори места!
