Фудбалер од турска трета лига со жилет ги сечел противниците

Варварски потег за кој нема место ниту во војна, а не на фудбалски терен меѓу два клуба кои играат пред илјадници гледачи. Што требало, да убие некој?

Турскиот фудбал е непресушен извор на тотално неверојатни сцени. Таму фудбалер глумел дека е повреден за да не игра и отишол на Малдиви од каде ставал слики со жена му на Инстаграм, еден друг им се колнеше на верност на најголемите 4 турски клуба па сите ги изневери, Арда Туран пијан со пиштол претепал пејач во диско итн...

Минатиов викенд апсолутно неверојатни сцени дојдоа од мечот во втората турска лига меѓу Амедспор и Сакарјаспор. Амедспор е клуб на курдската заедница, попознат како ФК Дијарбакир во минатото.

Фудбалерот на домашните, Мансур Чалар (33) излегол на терен со остар предмет за кој се претпоставува дека е жилет или игла, со намера да ги повредува противничките фудбалери:

На неколку видеа и фотографии се гледа како Мансур Чалар ги сечел ривалите од ракувањето пред почетокот па после во текот на целиот меч.

Најмногу настрадал капитенот на гостите Ферхат Јазган кој објавил слики од посекотините

 Испосечени биле и други фудбалери на гостинската екипа:

Но тоа не било сè, резервните фудбалери на гостинскиот тим во еден момент од натпреварот биле нападнати и од своите навивачи. Причините за ова не се знаат, а чудно е затоа што Сакарја игра добра сезона, се наоѓа на 4. место и има големи шанси да влезе во прва лига:

Од клубот го бранат својот „терорист“ со жилетот, велејќи во соопштение дека тој не носел ништо во рацете и дека целиот случај наводно бил монтиран од противничкиот клуб и од медиумот TV264.

Сакарјаспор решила да се жали во фудбалската федерација на Турција на Дилавер Гукчу кој наводно на национална основа ги навредувал нивните играчи и навивачи.

По крајот од натпреварот, твитер профилот на Амедспор објавил видео со натпис: „За жал, во нашата земја насилството во спортот и милитаризмот се длабоко и нераскинливо поврзани“.

4 март 2019 - 13:44

Штета ако сте пропуштиле

Недоумица

Докажано!

Фотка со предупредувачки тајминг

Каде да потпишеме?