Дали е Онана прав голман за Манчестер Јунајтед?

Баерн Минхен и Манчестер Јунајтед одиграа натпревар со дури 7 гола, Баварците славеа заслужено 4:3 и освоија три бода. Првиот погодок на мечот кој беше дело на Лирој Сане е поради вина на Камерунецот Андре Онана кој на стартот на сезоната направи неколку сериозни кикса. За волја на вистината и сам синоќа призна дека изгубиле во најголема мера поради него.

Манчестер Јунајтед издржа 28 минути на преполната „Алијанц Арена“. Тогаш по сјајна еден-два акција на Сане и Хари Кејн германскиот репрезентативец шутираше не многу силно но Онана сам си ја внесе топката во гол за 1:0 за Баерн:

Ова беше дури 42. гол на Сане на 139 меча за Баерн Минхен а има и 35 асистенции. Од друга страна Манчестер Јунајтед за првпат после далечната 1978-ма година прими три гола на три меча по ред. Не се случило одамна.

После пар минути Јунајтед прими и втор гол од Баерн: Серж Гнабри се најде сам во шеснаесетникот на гостите и го матираше Онана.

Пред мечот камерунскиот голман изјави: „Да се замени Давид Де Хеа не е така лесно. Не мислам дека сум тука што подобро играм со нозе. Најважно од се е да се сочува голот, затоа сум овде“.

Но како тргна сезоната, Онана направи неколку сериозни киксови. Манчестер Јунајтед за него одвои повеќе од 50 милиони евра, но тој за сега не го оправдува вложеното.

Пред извесно време Онана рекол: „Голманот треба да сфати дека грешките се дел од животот. Не планирам да грешам секако, но знам дека еднаш ќе се случи тоа. Си давам совет: ако грешам на мечов ништо страшно, зошто тоа е дел од мојата професија. Голманот треба да има цврст карактер. Ако мислиш на грешките, тоа е веќе проблем. Грешките се нормална појава. Например ако при игра со нозе не ризикуваш тоа не е проблем, но не и помагаш на екипаа така“.

Синоќа после мечот со Баерн Минхен признал дека изгубиле поради него:

„Голот дојде во лош момент. После мојата грешка изгубивме контрола над играта. Тоа е тешка ситуација за нас, посебно за мене, зошто јас изневерив. Екипата беше добра, сите освен мене. Срања се случуваат во животот. Изгубивме вечерва поради мене. Бевме добри со топка, создадовме шанси. А кога тие пробија кон голот, веднаш примивме гол. Треба да учам на вакви грешки и да одам понатаму. За жал, имам тежок старт во Манчестер Јунајтед“, признал Онана.

Јунајтед со три постигнати гола загуби во Минхен, Елмас слави со помош на автогол во финишот

 

21 септември 2023 - 09:39

Штета ако сте пропуштиле

Баба Анујка: Колку е тежок вашиот брачен проблем?

„Тоа на М“

Маматамамина

Песна против слабеење