Бразилецот Нејмар со кого Меси играше едно време во Барса, јавно му ја понудил 10-та на големиот Аргентинец, но Лионел од почит и уважување одбил.
На промоцијата како нов играч на ПСЖ Меси се сликаше во дрес со број 30, иако во Франција овој број им припаѓа само и само на голманите.
— Paris Saint-Germain (@PSG_inside) August 11, 2021
Во строгиот правилник на Професионалната фудбалска лига на Франција стои параграфот 576 кој вели:
„Играчи кои ќе играат во првиот тим, ќе добијат број на почеток на сезона за целата сезона. Списокот на играчи во прв тим не може да биде поголем од 30 имиња, затоа редот на броеви е 1-30. Бројките 1, 16 и 30 се резервирани само за голманите.
Во краен случај голман може да добие и број 40 доколку е неопходно. Ако клубот ојбасни дека му е неопходно да има повеќе од 30 фудбалери под професионален договор, тогаш специјалната комисија може да направи исклучок за броевите на дресот“.
Поради ова правило Џанлуиџи Донарума, одличниот голман кој летово од Милан се пресели во ПСЖ не можеше да го земе омилениот број 99 кој го носеше во Италија, па го одбрал бројот 50 (зошто сите други броеви за голмани биле зафатени).
До доаѓањето на Меси во Париз, бројот 30 му припаѓал на резервниот голман Александар Летеље кој не запишал ниту еден официјален настап за клубот. Летеље во ПСЖ дошол во 2020-та година од клубот Орлеан (Лига 2) иако е дете од школата на ПСЖ.
Летеље има статус на четврти голман после Навас, Донарума и Серхио Рико.
Messi has some good taste I see. Good luck at PSG my guy 🙏🏽 pic.twitter.com/7Lj6S0tevb
— Stephen Curry (@StephenCurry30) August 10, 2021
ПСЖ ја убедил и француската Лига 1 да направи исклучок за Меси (Летеље не бил против), а јасно е дека цела Франција особено фудбалското првенство се на добит и на голем ќар од доаѓањето на најдобриот фудбалер на светот па правилникот брзо се испеглал.
Во Париз првпат „слета вонземјанин“, пишуваат француските медиуми, па на такво нешто може и да се замижи кога се работи за правилник за бројки на дресот.
Прочитајте и уште:
ТРЕНЕР НА МЕСИ СЕГА ЌЕ МУ БИДЕ СОНАРОДНИК ПРОТИВ КОГО ДЕБИТИРАШЕ ПРЕД 17 ГОДИНИ
ПСЖ ПРЕКУ НОЌ СТИГНА ДО 42 МИЛИОНИ СЛЕДБЕНИЦИ, ДРЕСОВИТЕ НА МЕСИ ОДАТ КАКО АЛВА ВО ПАРИЗ
